Fjölskyldan á Austurlandi
Fjölskyldu skemmtun á Austurlandi er margbreytileg of þar má finna skemmtun fyrir alla aldurshópa. Við bjóðum þér í Alvöru ferðalag með fjölskylduna um Austurland.

Göngum á Austurlandi
Austurland býður upp á fjölda góðra göngleiða.
Gönguleiðir á Austurlandi eru langar og stuttar, margbreytilegar yfir fjöll og fyrnindi, dali og heiðar og út með sjó.
Sumar af bestu gönguleiðum Íslands eru hér:
Víknaslóðir, Gerpissvæðið, Snæfell- Lónsöræfi til að nefna nokkra möguleika.
Hægt að fara í ferðir á eigin vegum eða  fara í skipulagðar ferðir á vegum ferðafélaga eða ferðaþjónustuaðila.
Skemmtilegar hugmyndir að dagsferðum: Þerribjörg, Dyrfjöll- Stórurð,  Fimm fjöll í Fjarðabyggð með Ferðafélagi Fjarðamanna, Perlur Fljótsdalshéraðs og Heiðabýlin sem Ferðafélag Fljótsdalshéraðs sér um og 7 Tindar Seyðisfjarðar skipulagt af Gönguklúbb Seyðisfjarðar.

Það er hægt að nálgast göngukort af öllu Austurlandi og nánari upplýsingar á upplýsingamiðstöðvum og hjá ferðaþjónustuaðilum.
                

                

Dýr og fuglar

Austurland er fullkomið til ferðalaga þar sem skoða á dýr og fugla. Á Austurlandi gefst kostur á að keyra fram á hreindýr á ferð eða seli meðfram fjörum . Allar tegundir fugla eru sýnilegar og góð aðstaða er á mörgum stöðum til fuglaskoðunar.
Láttu okkur gefa þér hugmyndir að spennandi ferð.