Hótelið hefur til umráða 42 herbergi. 18 herbergi búin öllum helstu þægindum, baðherbergi, síma og sjónvarpi. Einnig býður hótelið uppá 24 herbergi með handlaug. Mjög góð aðstaða fyrir svefnpokahópa. Sturtur og sauna eru í kjallara gamla hússins.
Hótelið býður uppá þrjá veitingasali. Nýr veitingasalur sem tekur 250 manns í sæti, gamli veitingasalinn sem tekur um 40 manns í sæti og á bar hótelsins tekur 50 manns í sæti. Mjög fjölbreyttur og góður matseðill er í gangi yfir sumarmánuðina. Sérstök áhersla er lögð á sjávarrétti úr glænýjum fiski, helst frá fiskimönnum staðarins.
Þjónusta Einkagisting, Gistiheimili, Hjólaleigur, Hótel, Íbúðir, Matsölustaðir, Sjóstangaveiði, Sumarhús, Svefnpokagisting, Tjaldsvæði,Gistihúsið Egilsstöðum er staðsett á bökkum Lagarfljóts aðeins 300 m frá þéttbýlinu Egilsstöðum. Gistihúsið hefur allt verið gert upp og leitast við að endurskapa þann ytri og innri glæsileika sem það var rómað fyrir allt frá fyrstu árum síðustu aldar.
Frá Gistihúsinu er unaðslegt útsýni yfir Fljótið og til fjalla, auk þess sem aldnir viðir mynda einstakan skógargarð. Rómantík og gamlar hefðir eru hafðar í öndvegi og gestir njóta fyrsta flokks þjónustu í einstakri umgjörð íslenskrar náttúru.
Hvert sem leið þín liggur um landið í sumar finnur þú alltaf Edduhótel í nágrenninu, þar sem þú getur staldrað við eða haft bækistöð á meðan þú uppgötvar náttúruperlur landsins.
Hvort sem þú leitar að svefnpokaplássi eða rúmgóðu hótelherbergi með baði geturðu treyst því að skammt undan er Edduhótel sem býður hagstætt verð og góða þjónustu. Á nokkrum hótelanna eru Eddu PLÚS herbergi sem uppfylla þrjár stjörnur, en þau eru vel búin með baði, síma og sjónvarpi.
Við bjóðum gestum okkar að skipuleggja fyrir þá ýmiskonar afþreyingu s.s. veiðiferðir, skíðaferðir, svæðisleiðsögn, náttúruskoðun, köfun, ísklifur, fuglaskoðun, hellaskoðun, hreindýraleiðsögn, bátsferðir, hvataferðir, skoðunarferðir, kajakferðir, óvissuferðir, gönguferðir, stjörnu– og norðurljósaskoðun, hestaferðir, golf, gönguferð að flugvélaflaki ofl.. Í Fjarðabyggð eru einnig
fjölbreytt og skemmtileg söfn og margvíslegar söguslóðir.
Við erum einnig með bátaleigu sem staðsett er í Randulffssjóhúsi. Bátarnir eru samtals 9, allir sex manna smábátar að gerðinni Corsiva 430. Bátarnir eru 4,3 metra langir og eru með 4hp Selva utanborðsmótora.
Í Randulffssjóhúsi eru langborð fyrir allt að áttatíu manns auk grill- og salernisaðstöðu. Á efri hæð hússins er verbúð síldarsjómannana í sinni upprunalegu mynd þar sem gestum gefst tækifæri til að kynna sér aðstæður sjó- og verkamanna hér á árum áður. Við bjóðum uppá ýmsar uppákomur í húsinu s.s. grillveislur, ættarmót og annan mannfagnað þar sem boðið er uppá hákarl og harðfisk sem framleiddur er á Eskifirði.
Meira um Randulffssjohus má finna hér.
Í Fjarðabyggð eru einnig fjölbreytt og skemmtileg söfn, frábærar sundlaugar og margvíslegar söguslóðir.
Gistiheimilið er staðsett í fögru og friðsælu umhverfi á Mjóeyri, rétt utan við þéttbýlið við Eskifjörð.
Húsið er nýlega innréttað, var byggt árið 1895 og ber merki gamalla og nýrra tíma. Við leggjum áherslu á hlýlegt og heimilislegt andrúmsloft.
Stórkostlegt útsýni er út Reyðarfjörð, inn Eskifjörð, yfir Hólmanes og Hólmatind. Hægt er að fá morgunmat og kvöldmat ef pantað er með fyrirvara. Boðið er upp á gistingu í fimm, eins til þriggja manna herbergjum með sameiginlegum eldhúskrók, setustofu með sjónvarpi og góða hreinlætissaðstöðu. Útvarp og sjónvarp er í öllum herbergjum. Reyklaust umhverfi er innandyra. Stór sólpallur er við innganginn á neðri hæð og þaðan er einnig gengið inn í svefnskála með svefnpokaplássi. Í svefnskálanum er eldunar- og hreinlætisaðstaða.
Hjá Marlín eru 5 2ja manna herbergi, með skrifborði og fataskáp.
Þráðlaus internettenging er í húsinu, gestum að kostnaðarlausu.
Baðherbergi eru 4, 2 með sturtu.
Rúmgóðar setustofur með sjónvarpi, með gervihnattastöðvum,
myndbandstæki og fjöldamargar myndir.
Internet-tengd tölva, gestum að kostnaðarlausu.
Herbergin okkar eru í tveimur sögulegum byggingum umhverfis lónið í miðjum Seyðisfjarðarkaupstað. Þessum tveimur byggingum skiptum við upp í tvö hótel; Hótel Ölduna og Hótel Snæfell, sem hvor um sig hafa að geyma 9 herbergi hvert með sinn sjarma og stíl.
Hótel Aldan hefur í nær heila öld hýst bankann í Seyðisfirði. Upphaflega hafði það þjónað sem eitt af bestu hótelum landsins. Mikil áhersla hefur verið lögð á að viðhalda sögulegum anda hússins, en um leið tekið tillit til nútíma þæginda.
Árið 1898 voru 19 herbergi í húsinu, þar af eitt dans og hnattborðssalur. Síðan húsið hefur gengið í endurnýjun lífdaga og er orðið glæsilegra en nokkru sinni fyrr, þá bjóðum við þar upp á 7 tveggja manna og 2 þriggja manna herbergi.
Í flestum herbergjunum er pláss fyrir auka rúm og þar að auki er hægt að koma fyrir sex manna fjölskyldu í einu af herbergjunum.
Vegna sveigjanlegrar hönnunar er hægt að setja saman sum herbergin þannig að þau myndi "svítur" eða fjölskylduherbergi fyrir 4 til 6 persónur, án þess að bæta við auka rúmum.
Hótel Snæfell er þriggja hæða bárujárnsklætt timburhús byggt 1908. Það stendur við lónið þar sem er að finna fjölskrúðugt dýralíf fugla, laxfiska og oft á tíðum má sjá sel forvitnast um hagi Seyðfirðinga. Húsið var upprunalega pósthús bæjarins og árið 1943 var því breytt í hótel. Í gegnum árin hefur það gengt mörgum hlutverkum, m.a. hefur verið þar skóvinnuverkstæði, leigubílastöð og stór veitingastaður. Húsið hefur einnig verið heimili nokkurra fjölskyldna áður en það varð hótel. Meðal íbúa þar var Ingi T. Lárusson okkar ástsæla tónskáld.
Skálanes, Náttúru og Menningarsetur starfar í nýuppgerðu og heimilislegu húsi staðsettu innan eigin einka náttúruverndarsvæðis í mynni Seyðisfjarðar á Austurlandi. Mikil fjallasýn, stærðar fuglabjörg, rekastrendur og graslendi rammað inn af hafinu gera Skálanes tilvalið til afslöppunar, lærdóms og íhugunar í áhugaverðu umhverfi.
Skálanes, Náttúru- og Menningarsetur, er tilvalið fyrir þá sem vilja læra um Austurland og kynna sér umhverfi og menningu svæðisins. Við erum fullviss um að dvöl á Skálanesi skilur eftir sig ekki einungis frekari þekkingu á svæðinu heldur einnig góðar minningar, upplifanir og reynslu sem staðkunnugir leiðsögumenn okkar stuðla að með því að miðla sérþekkingu sinni á svæðinu.
Á Skálanesi er gestum aðgengileg sú þekking sem er til staðar á staðnum er gestum aðgengileg, hvort sem er á rituðu máli, frásögn eða með samskiptum við einhvern af þeim fjöldamörgu hópum sem sækja okkur heim eða starfa á setrinu við rannsóknir, vöktun eða starfsmennt á hverju sumri. Viðfangsefni starfseminnar skapar deiglu hugmynda og þekkingar á fjölbreyttum sviðum s.s. vistfræði, náttúrufræði, sagnfræði, fornleifafræði, umhverfisverndar, hefðbundins handverks og svo mætti lengi telja. Þekkingu á þessum viðfangsefnum er miðlað til gesta eftir óskum þeirra.
Þjónusta Ferðaskipuleggjendur, Gistiheimili, Gönguferðir, Matsölustaðir, Svefnpokagisting,
Kaffi- og þjónustuhús sem ber heitið Hjáleigan.
Áður fyrr leigðu bændur part úr landi stærri búa og voru það kallaðar hjáleigur, þaðan er nafnið dregið.
Við seljum kaffi og meðlæti. Einnig er seld kjötsúpa og brauð. Stærri hópar þurfa að panta súpuna fyrirfram.
Kaffihlaðborð alla sunnudaga.
Opið 10. júní—10. september frá kl. 12.00—18.00 daglega.
Þjónusta Gönguferðir, Matsölustaðir,
