Bæir og þorp

Á Austurlandi eru margir bæir og þorp og hefur hvert byggðarlag sín sérkenni og sögu. Fengsæl fiskimiðin úti fyrir ströndinni löðuðu að sér sjómenn frá öðrum löndum sem þurftu vatn og vistir en skildu um leið eftir vott af framandi menningararfleifð.
Þau tengsl sem þannig mynduðust styrktust og efldust í áratugi. Stundum höfðu þau í för með sér atvinnutækifæri og það mynduðust hefðir. Spor þessa má gerla á mörgum stöðum. Norðmenn settu mark sitt einkum á Seyðisfjörð og Eskifjörð, en Frakkar skildu eftir greinileg spor á Fáskrúðsfirði.
Því eiga öll þéttbýlin við ströndina sér langa sögu og merka . Yngsti bærinn á Austurlandi er Egilsstaðir (1947) og er saga hans rétt að slíta barnsskónum.