Fuglalíf á Austurlandi
Fuglalíf er fjölskrúðugt á Austurlandi og setja mófuglar, endur og vaðfuglar svip sinn á landslagið. Kjóar og lómar eru í flokkum á Úthéraði - þar er raunar eitt stærsta kjóavarp í heimi. Þar eru einnig heimkynni meginhluta hins íslenska grágæsastofns. Fram eftir tuttugustu öld gerðu hafernir sig heimakomna með ströndum Austfjarða. Heiðagæsin (Anser brachyrhynchus) er einn helsti einkennisfugl Austurlands. Hún verpir jafnt á láglendi sem fram til stranda sem inn til heiða. Hana ber þó einna oftast fyrir augu á hálendinu en á síðustu áratugum hefur varplendið aukist á láglendi. Mest er varp meðfram jökulánum og á vatnasvæði þeirra. Inni á Eyjabökkum er að finna stærsta fellihóp geldfugla í víðri veröld.
Af öðrum kunnum tegundum má nefna fýl með ströndum fram, grágæsina á láglendi og rjúpur til fjalla. Hvergi á Íslandi hafa fundist jafnmargir slæðingsfuglar og á Suð-Austurlandi.
Víða er að finna góða aðstöðu til fuglaskoðunar, helst þó á Borgarfirði eystra og Djúpavogi. Aðrir vænlegir staðir eru á Vopnafirði (Nýpslónin og Fuglabjarganes), Húsey og Úthérað, Vestur-Öræfi og Jökuldalur (fálkar), Eyjabakkar (heiðargæs) og Papey.
(Byggt að mestu á texta Helga Hallgrímssonar fræðimanns á Egilsstöðum)
Flórgoðar
Lómur
Lundar
Rjúpa í vetrarbúningi
Flórgoðar í tilhugalífi
Lómur
Endur
Votlendissvæði við Djúpavog
Fuglaskoðun á Djúpavogi
Fuglaskoðun á Eyfreyjunesi
Skógarþrastarhús
Flórgoði
Brandugla
Kría á staur
Hani
