Leita
Finnur þú það ekki? Prófaðu leitina :)

Breiðdalssetur

Breiðdalssetur - Jarðfræðasafn G.P.L.Walker hýsir starfsemi af þrennum toga: Jarðfræðisetur þar sem rannsóknir og fræðistörf enska jarðfræðingsins G. Pl. Walkers eru höfð í hávegum en hann sinnti ötullega rannsóknum á jarðfræði svæðisins, málvísindasetur til heiðurs dr. Stefáni Einarssyni og rannsóknum hans á íslenskri tungu og loks byggðasafn helgað Breiðdalsvík og byggðunum í kring.

Breiðdalssetur er í Gamla Kaupfélaginu á Breiðdalsvík, elsta húsið í þorpinu, byggt árið 1906. Starfsemi Breiðdalsseturs er á sviði jarðfræði, málvísinda og sögu.

Sem stendur eru sýningar um:

  1. Sögu og uppbyggingu Breiðdalsvíkur,
  2. Fjallað er um rithöfundinn og málvísindamanninn dr. Stefán Einarsson frá Höskuldsstöðum í Breiðdal, en lengst af var prófessor við John Hopkins háskólann í Baltimore, USA
  3. Sýning um jarðfræði Austfjarða
  4. Sýning og umfjöllun um hinn heimskunna jarðfræðing Prof. dr. George P. L. Walker. Hann var einn þekktasti eldfjallafræðingur heims á seinni hluta 20. aldar og rannsakaði jarðfræði Austurlands í 10 ár, milli 1955 og 1965. Hann varð síðan heiðursdoktor við Háksóla Íslands. Öll arfleifð Walkers er varðveitt í Breiðdalssetri.

Opnunartími Breiðdalsseturs sumarið 2020:

Opið alla daga nema sunnudaga milli kl. 12 og 16 frá 10. júní til loka ágústmánaðar.

Aðgangur sumarið 2020 er ókeypis.

Breiðdalssetur

Gamla Kaupfélagið

GPS punktar N64° 47' 30.462" W14° 0' 35.442"
Opnunartími 20/05 - 15/09

Breiðdalssetur - ferðaupplýsingar

Úr gagnagrunni Ferðamálastofu Íslands

Aðrir

Íþróttamiðstöð Breiðdalshrepps
Sundlaugar
  • Selnesi 25
  • 760 Breiðdalsvík
  • 470-9090
Katrine Bruhn Jensen
Dagsferðir
  • Gilsá
  • 760 Breiðdalsvík
  • 862-5756
Hestaleigan Fell
Dagsferðir
  • Fell
  • 760 Breiðdalsvík
  • 8974318
Náttúra
21.50 km
Saxa

Skammt utan við Lönd í Stöðvarfirði er Saxa. Saxa er sérstakt náttúrufyrirbrigði, þar sem úthafssaldan gengur inn í klettaskoru og spýtist síðan hátt upp í loft í tilkomumiklum brimgosum. Nafnið dregur Saxa af því að inni í henni saxast þönglar og þari í smátt og þeytast upp með í brimgosunum.

Saga og menning
24.30 km
Höskuldsstaðir

Að Höskuldsstöðum innarlega í Suðurdal Breiðdals, var póstafgreiðsla allt til 1947 og því höfðu landpóstarnir þar viðkomu á ferð sinni yfir Berufjarðaskarð. Höskuldsstaðir eru einnig fæðingastaður og æskuslóðir fræðimannsins dr. Stefáns Einarssonar fv. prófessors við John Hopkins háskóla í Baltimore. Í heimagrafreitnum að Höskuldsstöðum er dufteski dr. Stefáns varðveitt, ásamt dufteski fyrri konu hans Margarete Schwarzenburg.

Náttúra
22.72 km
Reindalsheiði

Reindalsheiði er gömul vörðuð póstleið milli Breiðdals og Fáskrúðsfjarðar. Gangan tekur 7-10 klst og er bæði fögur og skemmtileg.

Powered by Wikiloc
Náttúra
22.62 km
Flögufoss

Flögufoss er hæsti foss í Breiðdal um 60 m. Fossinn er í Flöguá sem rennur um Flögudal. Dalurinn sá afmarkast af Smátindum og Slötti. Frá vegi er stutt og létt gönguleið að fossinum.

Náttúra
10.96 km
Aldamótaskógur við Tinnu

Sumarið 2000 var gróðursettur í landi Eydala við Landnyrðingsskjólbakka hlutur Austurfirðinga-fjórðungs í skógræktarverkefninu Aldamótaskógur. Á sjötta áratug 20. aldar var gróðursett talsvert í reitnum upp við Tinnu og er því þar skemmtilegt útivistarsvæði, um 1. km frá þjóðvegi 1 inn í Norðurdal. Falleg merkt gönguleið liggur í gegnum skóginn meðfram Tinnudalsá út á þjóðveg 1.Við Staðarborg hefur Skógræktarfélag Breiðdæla einnig gróðursett mikið síðustu ár og er þar einnig nú að verða til útivistarsvæði.

Náttúra
9.51 km
Streitishvarf

Fallegt útsýni er frá Streitisvita, sunnan Breiðdals, út yfir hafið og skemmtileg merkt gönguleið liggur fyrir streitishvarf. Þetta er útivistarssvæði fyrir alla fjölskylduna.

Náttúra
2.11 km
Meleyri

Meleyri nefnist falleg strönd fyrir innan þorpið Breiðdalsvík. Svæðið hentar vel til gönguferða og útivistar og þar er ríkulegt fuglalíf.

Saga og menning
19.01 km
Gallerí Snærós og Grafíksetur

Á Stöðvarfirði er rekin ein fullkomnasta grafíkvinnustofa landsins. Hún er á höndum hjónanna Ríkharðar Valtingojers og Sólrúnar Friðriksdóttur. Oft er hægt að fylgjast með listamönnum að verki eða bregða sér sjálfur á stutt námskeið. Á sama stað er Gallerí Snærós að finna.

Náttúra
23.28 km
Jórvíkurskógur

Jórvíkurskógur er skógræktarsvæði eins og þau gerast best. Kjarr og ræktaður skógur, gamalt hús í lundi en lækjarsprænur liðast niður hlíðina. Fuglalíf er með líflegasta móti, vinalegir göngustígar og notaleg aðstaða fyrir fjölskyldufólk.

Saga og menning
7.47 km
Heydalir - Eydalir

Kirkja hefur verið að Eydölum frá fyrstu tíð kristni. Prestsetrið hefur löngum verið með betri brauðum og þar hafa setið margir vel metnir prestar. Frægastir þeirra er sálmaskáldið sr. Einar Sigurðsson (1538-1626) sem kunnastur er fyrir jólasálminn Kvæði af stallinum Kristí sem kallast Vöggukvæði, en er nútímamönnum tamast sem Nóttin var sú ágæt ein. Minnisvarði um sr. Einar stendur á grunni gömlu kirkjunnar í kirkjugarðinum að Eydölum.

Náttúra
13.30 km
Beljandi

Skammt fyrir utan bæinn Brekkuborg er fossinn Beljandi í Breiðdalsá. Raunar eru fossarnir tveir, ytri og innri, og samnefndir hylir við. Þetta er mjög fagurt svæði og skemmtilegt til útivistar.

Náttúra
8.56 km
Kambanes

Milli Breiðdals og Stöðvarfjarðar liggja þrennar brattar skriður ofan úr fjallinu Súlum. Þjóðvegur var lagður um þær 1962. Þær nefnast (frá Breiðdal austur um) Færivallaskriður, Hvalnesskriður og Kambaskriður. Kambanes er tilvalið til útivistar, enda er landslag þar mjög fagurt þar og tignarleg sýn til Súlna.

Aðrir

Gallerí Snærós
Sýningar
  • Fjarðarbraut 42
  • 755 Stöðvarfjörður
  • 475-8931, 861-7556

Aðrir

Brekkan
Veitingahús
  • Fjarðarbraut 44
  • 755 Stöðvarfjörður
  • 475-8939
Hamar Kaffihús
Veitingahús
  • Þverhamar 2a
  • 760 Breiðdalsvík
  • 846-5547

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur