Leita
Finnur þú það ekki? Prófaðu leitina :)
16. júlí

Ásgeir - Seyðisfjörður

Ásgeir heldur tónleika í Seyðisfjarðarkirkju á Seyðisfirði fimmtudaginn 16. júlí. Húsið opnar kl 20:00 en tónleikarnir hefjast kl 21:00. Miðasala fer fram á Tix.is.

Í febrúar á þessu ári gaf Ásgeir út sína þriðju breiðskífu og til stóð að hann myndi verja mestum hluta ársins á tónleikaferðalögum erlendis við að kynna plötuna. Árið hófst með mánaðarlöngu tónleikaferðalagi um Evrópu í febrúar og þaðan var haldið til Bandaríkjanna í byrjun mars þar sem einnig var framundan mánaðarlangt tónleikaferðalag. Þegar um vika var liðin af túrnum um Bandaríkin var kórónuveiran farin að láta verulega á sér kræla þar í landi sem og í Evrópu og að vandlega athuguðu máli var ákveðið að aflýsa tónleikaferðalaginu og halda heim á leið. Öllum öðrum ferðum Ásgeirs út árið var einnig frestað, þar á meðal tónleikum í Japan, Ástralíu og fyrstu tónleikum Ásgeirs á Nýja-Sjálandi.

Ekki er útlit fyrir að Ásgeir spili utan landsteinanna fyrr en í fyrsta lagi á næsta ári en tónlistin og þörfin fyrir að leika fyrir annað fólk kallar og því hefur Ásgeir ákveðið að fara í tónleikaferð um Ísland í júlí þar sem hann leikur á 13 tónleikum á 17 dögum.

Fyrir tveimur árum fór Ásgeir í samskonar tónleikaferðalag þar sem hann prufukeyrði lög af plötunni sem nú er komin út og reynslan af að ferðast um landið, njóta íslenska sumarsins og leika fyrir samlandana var svo góð að Ásgeir vildi ólmur grípa tækifærið og endurtaka leikinn.

Skoða fleiri viðburði

Viðburðadagatal
GPS punktar
N65° 15' 41.018" W14° 0' 37.789"
Staðsetning
Seyðisfjörður

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur