Leita
Finnur þú það ekki? Prófaðu leitina :)
12. júlí kl. 20:00-22:00

Kristjana Stefáns og Svavar Knútur í Tehúsinu Egilsstöðum

Bonnie og Clyde íslenska söngvaskáldabransans, þau Svavar Knútur og Kristjana Stefáns hyggjast þeysast um landið í júlí næstkomandi á sinni árlegu sumartónleikaferð.
Kristjana og Svavar Knútur munu á ferð sinni heimsækja alla helstu landsfjórðungana og kynda undir sumarfiðringi landans með húmor og hlýju, krúttlegum kvöldsöngvum, angurværum Abbalögum og sígildum söngperlum. Þá munu sagðar sögur, lesin ljóð og klassísk íslensk kvöldvökustemmning höfð í hávegum.
Að sleppa Egilsstöðum væri alger synd á þessari gandreið þeirra vinanna, svo auðvitað er kjörið að mæta í hina glæsilegu og nýju viðbót í menningarlíf bæjarins, Tehúsið og eiga kvöldvöku og náin kynni við útvalda vini og velunnara.

Kristjana og Svavar hafa síðan 2008 haft unun af því að syngja saman dúetta og komið fram víða um land við gríðargóðar undirtektir. Þau gáfu út dúettaplötuna Glæður árið 2011 sem er löngu uppseld hjá útgefanda.

Miðasala á www.tix.is. Miðaverð er kr. 4.000 og frítt fyrir börn 14 ára og yngri

Skoða fleiri viðburði

Viðburðadagatal
GPS punktar
N65° 15' 29.606" W14° 24' 30.115"
Staðsetning
Egilsstaðir

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur