Leita
Finnur þú það ekki? Prófaðu leitina :)
16.-18. október

Gospel, Soul og Kóranámskeið 16.-18. október

Langar þig að eyða helginni í frábærum félagskap? Syngur þú í kór eða langar þig að víkka út sjóndeildarhringinn? Læra eitthvað nýtt? Elskar þú Gospel og Soul?
Menningarstofa Fjarðabyggðar, Tónlistarmiðstöð Austurlands og sóknirnar á Norðfirði, Eskifirði og Reyðarfirði bjóða ykkur á Gospel, Soul og Kóranámskeið. Námskeiðið verður haldið í Tónlistarmiðstöð Austurlands helgina 16.-18. október og lýkur með tónleikum sem eru öllum opnir.
Leiðbeinandi er Margrét Eir og undirleikari Ingvar Alfreðsson.
Margrét Eir hefur starfað sem söngkona og leikkona á Íslandi í yfir tuttugu ár. Á þessum árum hef hún starfað með helstu tónlistarmönnum landsins, komið fram á tónleikum og sungið inn á fjölmargar plötur sem sólósöngvari og bakrödd. Margrét hefur meðal annars sungið með Sinfóníuhljómsveit Íslands og verið ein af aðalsöngkonum Frostrósa. Hún útskrifaðist frá Raddskóla Kristin Linklater árið 2007 í New York og stofnaði söngskóla árið 2009 undir nafninu MEiriskóli.
Ingvar Alfreðsson er sjálfstætt starfandi tónlistarmaður, píanóleikari, útsetjari og höfundur. Hann er með bachelor gráðu frá Berklee College of Music í Boston þar sem hann lauk námi í “Contemporary Writing and Production”. Ingvar starfaði um árabil sem kórstjóri hjá Gospelkór Árbæjarkirkju og Gospelkór Jóns Vídalíns. Hann hefur komið víða fram og leikið á stórtónleikum á borð við Frostrósir og Fiskidagstónleikana á Dalvík sem hann hefur að auki útsett frá árinu 2015.
Kennt verður föstudaginn 16.október frá klukkan 18-22, laugardaginn 17.október frá klukkan 10:00-16:00 og sunnudaginn 18.október frá klukkan 10:00-13:30. Tónleikarnir hefjast klukkan 14:00 og miðaverð er 2000 krónur.
Námskeiðið er öllum þátttakendum að kostnaðarlausu en það er nauðsynlegt að skrá sig. Skráningar fara fram á netfanginu b.bodvarsson@gmail.com og lýkur á miðnætti 13 október. Haft verður samband við þátttakendur í gegnum tölvupóst með leiðbeiningum um hvernig þeir eigi að undirbúa sig fyrir námskeiðið.
Boðið verður upp á að kaupa fæði á meðan á námskeiðinu stendur gegn vægu gjaldi, nánar auglýst síðar.
Hlökkum til að sjá ykkur,
Menningarstofa Fjarðabyggðar og séra Benjamín Hrafn Böðvarsson.

Skoða fleiri viðburði

Viðburðadagatal
GPS punktar
N65° 4' 43.561" W14° 1' 59.903"

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur