Leita
Finnur þú það ekki? Prófaðu leitina :)
15. júní - 15. september

Fjallagarpur Seyðisfjarðar

Gönguklúbbur Seyðisfjarðar stendur á bakvið verkefnið "Fjallagarpur Seyðisfjarðar" og hefur komið fyrir gestabókahirslum á sjö fjallatoppum við Seyðisfjörð. Einnig eru í hirslunum gatatangir með mismunandi munstri eftir fjalli.

Ef þú vilt hljóta nafnbótina "Fjallagarpur Seyðisfjarðar”, skaltu koma við á Upplýsingamiðstöð ferðamanna á Seyðisfirði, Ferjuleiru 1 (ferjuhúsinu) og fá afhent stimpilkort sem á eru letruð nöfn fjallanna sjö. Þegar þú ert komin á topp viðkomandi fjalls gatar þú með gatatönginni í viðeigandi reit á kortinu. Kortinu er síðan framvísað á Upplýsingamiðstöðinni, þegar þú hefur klifið fjöllin sjö. Sem sigurlaun færð þú afhent viðurkenningarskjal, þar sem afrekið verður staðfest. Jafnframt mun nafn þitt verða skráð í “Fjallagarpaskrá” á heimasíðu Seyðisfjarðarkaupstaðar.

Oft er um margar leiðir að ræða á fjallatoppana. Í gönguleiðalýsingu, sem hægt er að nálgast á Upplýsingamiðstöð, er sagt lauslega frá þeim algengustu. Ekki er tekin ábyrgð á GPS punktum sem gefnir eru upp og ef villur koma í ljós vinsamlega látið vita hjá ferdamenning@sfk.is. Hnitin eru í WGS84

Mikilvægt :

  • Við hvetjum til þess að börn og unglingar fari ekki á fjöll nema í fylgd með fullorðnum.
  • Skjótt getur skipast veður í lofti. Því á aldrei að fara í fjallgöngu án þess að vera búinn að kynna sér veðurspá og láta vita af ferðaáætlun.

Skoða fleiri viðburði

Viðburðadagatal
GPS punktar
N65° 15' 36.783" W14° 0' 17.859"
Staðsetning
Seyðisfjörður

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur