Leita
Finnur þú það ekki? Prófaðu leitina :)
26. október - 28. mars

Vetrarhlaupasyrpa Þristar 2019-2020

Vetrarhlaupasyrpa Þristar saman stendur af sex 10 km hlaupum sem hlaupin eru á Egilsstöðum, síðasta laugardag í mánuði frá október og fram í mars. Eina undantekningin er desemberhlaupið sem fer fram á gamlársdag. Keppendur safna stigum eftir árangri og stigahæstu einstaklingar eru verðlaunaðir í lok vetrar.

- Upphaf: Við Íþróttahúsið á Egilsstöðum kl. 11:00, nema gamlaárshlaupið sem verður ræst kl. 10:00.
- Skráning: Á staðnum, hálftíma fyrir hlaup.
- Lengd: 10 km. Í vetur er einnig stefnt á að bjóða upp á 5 km skemmtiskokk en sú vegalengd mun ekki telja til stiga.
- Þátttökugjald: 1000 kr.
- Innifalið: Létt hressing og frítt í sund eftir hlaup.

Hlaupaleið: Frá íþróttahúsi eftir Tjarnarbraut, beygt til hægri á Selás og hlaupið sem leið liggur eftir Lagarási og Kaupvangi (framhjá Heilsugæslunni, Landsbankanum, tjaldstæðinu og Landflutningum). Hlaupið út á þjóðveginn og eftir Vallavegi í átt til Hallormsstaðar þar til komið er að merktum snúningspunkti. Sama leið hlaupin til baka.

Að loknu hverju hlaupi verður dregið um vegleg útdráttarverðlaun.

Hlaupum saman inn í veturinn!
Hlökkum til að sjá ykkur!

Skoða fleiri viðburði

Viðburðadagatal
GPS punktar
N65° 15' 56.953" W14° 23' 34.496"
Staðsetning
Egilsstaðir

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur