Leita
Finnur þú það ekki? Prófaðu leitina :)
27. október - 30. mars

Vetrarhlaupasyrpan á Egilsstöðum

Fyrsta hlaupið í Vetrarhlaupasyrpunni á Egilsstöðum fer fram á laugardaginn. Ekki missa af tækifærinu til að vera með frá byrjun!

Vetrarhlaupasyrpan á Egilsstöðum saman stendur af sex 10 km hlaupum sem hlaupin eru síðasta laugardag í mánuði frá október og fram í mars að undanskildu desemberhlaupinu sem fer fram á gamlársdag. Keppendur safna stigum eftir árangri og stigahæstu einstaklingar eru verðlaunaðir í lok vetrar.

Upphaf: Við Íþróttahúsið á Egilsstöðum kl. 11:00, nema gamlárshlaupið sem hefst á sama stað klukkan 10:00
Skráning: Á staðnum, hálftíma fyrir hlaup.
Lengd: 10 km
Þátttökugjald: 1000 kr.
Innifalið: Létt hressing og frítt í sund eftir hlaup.

Hlaupaleið: Frá íþróttahúsi eftir Tjarnarbraut, beygt til hægri á Selás og hlaupið sem leið liggur eftir Lagarási og Kaupvangi (framhjá Heilsugæslunni, Landsbankanum, tjaldstæðinu og Landflutningum). Hlaupið út á þjóðveginn og eftir Vallavegi í átt til Hallormsstaðar þar til komið er að merktum snúningspunkti. Sama leið hlaupin til baka.

Dregið er um veglega útdráttarvinninga eftir hvert hlaup. Allir sem taka þátt fara í pottinn.

Styrktaraðilar Vetrarhlaupasyrpunnar 2018-2019 eru: Skógræktin, Sókn lögmannsstofa,, MVA, Dandý, Crossfit Austur, Skíðafélagið í Stafdal, Íþróttamiðstöðin á Egilsstöðum og Ölgerðin - Gatorade,

Dagsetningar hlaupa:
1. hlaup: 27. október
2. hlaup: 26. nóvember
3. hlaup. 31. desember (hefst kl. 10:00)
4. hlaup: 26. janúar
5. hlaup: 23. febrúar
6. hlaup 30. mars

Hlökkum til að sjá ykkur!

Skoða fleiri viðburði

Viðburðadagatal
GPS punktar
N65° 15' 56.048" W14° 23' 47.474"
Staðsetning
Egilsstaðir

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur