Leita
Finnur þú það ekki? Prófaðu leitina :)

Hótel Aldan

Herbergi Hótel Öldunnar eru í þremur húsum; tveimur umhverfis lónið í miðju bæjarins. Þessum tveimur byggingum skiptum við upp í tvö hótel; Hótel Ölduna - til húsa í virðulegu fyrrum verslunarhúsi við brúna - og Hótel Snæfell, sem hvor um sig hafa að geyma 9 herbergi hvert með sinn sjarma og stíl.

Þriðja hús Öldunnar hefur í nær heila öld hýst bankann í Seyðisfirði. Upphaflega hafði það þjónað sem eitt af bestu hótelum landsins. Mikil áhersla hefur verið lögð á að viðhalda sögulegum anda hússins, en um leið tekið tillit til nútíma þæginda. Þar eru í boði 7 tveggja manna og 2 þriggja manna herbergi.

Í vor fékk veitingastaður Öldunnar töluverða andlitslyftingu og hefur nú hlotið nafnið "Nordic" sem leggur áherslu á að nota hráefni frá Íslandi og ekki síst héðan frá Austurlandi.

Í flestum er rými fyrir auka rúm og einnig er hægt að hýsa sex manna fjölskyldu í einu herbergi. Sveigjanleg hönnun gerir kleift að setja saman sum herbergin þannig að þau myndi "svítur" eða fjölskylduherbergi fyrir 4 til 6 persónur, án þess að bæta við auka rúmum. Næsta sumar verðum við samtals með 22 herbergi auk tveggja fullbúinna íbúða sem hvort getur hýst allt að 6 gesti. Íbúðirnar eru staðsettar rétt hjá gamla bankanum í húsi sem hýsti fyrsta skóla kaupstaðarins. Þar sem við erum lítið og annasamt hótel treystum við okkur því miður ekki til að blokkbóka herbergi yfir sumarið. Við vonum að þetta muni ekki hafa áhrif á samstarfið og hvetjum ykkur til hafa samband við okkur í því tilfelli.

Hótel Snæfell er þriggja hæða bárujárnsklætt timburhús byggt 1908. Það stendur við lónið þar sem er að finna fjölskrúðugt dýralíf fugla, laxfiska og oft á tíðum má sjá sel forvitnast um hagi Seyðfirðinga. Húsið var upprunalega pósthús bæjarins og árið 1943 var því breytt í hótel. Í gegnum árin hefur það gengt mörgum hlutverkum, m.a. hefur verið þar skóvinnuverkstæði, leigubílastöð og stór veitingastaður. Húsið hefur einnig verið heimili nokkurra fjölskyldna áður en það varð hótel. Meðal íbúa þar var Ingi T. Lárusson okkar ástsæla tónskáld.

Hótel Aldan

Norðurgata 2

GPS punktar N65° 15' 37.149" W14° 0' 32.673"
Sími

472-1277

Fax

472-1677

Gisting 18 Herbergi / 39 Rúm
Opnunartími Allt árið

Hótel Aldan - ferðaupplýsingar

Úr gagnagrunni Ferðamálastofu Íslands

Aðrir

Seyðisfjörður Tours ehf.
Gönguferðir
  • 785-4737
Hlynur Oddsson Iceland-Tour
Ferðaskipuleggjendur
  • Árstígur 9
  • 710 Seyðisfjörður
  • 865-3741
Veiðileyfi í Fjarðará - síðsumars
Stangveiði
  • Hafnargata 2
  • 710 Seyðisfjörður
  • 472-1700
Golfklúbbur Seyðisfjarðar
Golfvellir
  • Kúahagi / Vesturvegi
  • 710 Seyðisfjörður
  • 893-6243
Skálanes Náttúru- og Menningarsetur
Ferðasali dagsferða
  • Suðurgata 2
  • 710 Seyðisfjörður
  • info@skalanes.com
Náttúra
11.98 km
Bjólfur og snjóflóðavarnargarðar Seyðisfjarðar

Fylgt er sumarvegi frá Fjarðarheiði sem er opinn frá júní fram á haust eða þar til fenna fer ár hvert. Ekin er 5 kílómetra leið upp að snjóflóðavarnargörðum sem eru í rúmlega 600 m.y.s. Mannvirkið er mikilfengleg sýn og stórfenglegt útsýni yfir Seyðisfjörð og bæinn. Vegurinn er fær fjórhjóladrifsbílum yfir sumartímann. Útsýnið er einstök upplifun fyrir þá sem ekki eru fjallfærir með öðrum hætti; e.k. "sófa-safari". Á Bjólfi eru kjöraðstæður fyrir svifdreka. Akstur upp að varnargörðunum tekur um 15-20 mínútur.

Náttúra
10.05 km
Vestdalsvatn

Skemmtileg gönguleið er yfir Vestdalsheiði frá Héraði yfir í Seyðisfjörð. Vestdalsheiði var áður fyrr fjölfarinn fjallvegur en gengið var upp með Gilsá yfir heiðina og niður Vestdal í Seyðisfjörð. Gengið er frá skilti á Fjarðarheiði (N65°15.577 - W14°13.524) og stefnt að vestari enda Bjólfsins. Vatnið blasir við þegar komið er á móts við Bjólfinn. Þetta er góð gönguleið um ávalar hæðir.

Þegar komið er að Vestdalsvatni er um þrjár leiðir að velja ef fólk vill ekki fara sömu leið til baka. Niður Vestdal í Seyðisfjörð þar er stikuð leið. Niður Gilsárdal eftir greinilegri slóð að Gilsárteigi (austan við Eiða á Fljótsdalshéraði) eða fyrir vestan Bjólfinn niður í Stafdal. Hólkurinn með gestabók og stimpli er þar sem Gilsáin fellur úr vatninu. Vaða þarf ána ef gengið er af Fjarðarheiði.

Kóreksstaðavígi er hluti af Perlum Fljótsdalshéraðs.

GPS : N65°17.102-W14°17.887

Powered by Wikiloc
Saga og menning
1.11 km
Tækniminjasafn Austurlands

Tækniminjasafn Austurlands á Seyðisfirði er starfrækt árið um kring
Opnunartímar:Sumar (1.júní - 15.september)
alla daga Kl. 11:00 -17:00
Vetur (16.september - 31.maí)
virka daga Kl 13:00 - 16:00
Á öðrum tímum eftir samkomulagi.

Tækniminjasafn Austurlands á Seyðisfirði var sett á stofn árið 1984. er að mestu helgað því skeiði er nútíma-tækni var að ryðja sér til rúms hérlendis; 1880 - 1950. Safnið sýnir hvernig tæknibreytingar á fjölmörgum sviðum, t.d. í véltækni, rafmagni, fjarskiptum, samgöngum og byggingalist, eru samofnar breytingum á lifnaðarháttum og umhverfi. Sýningar eru gæddar lífi og leitast við að endurvekja andrúmsloft þess tíma sem fjallað er um.

Náttúra
12.99 km
Brimnes

Brimnes skagar fram í fjarðarmynni á norðurströnd Seyðisfjarðar. Um 10 km. akstur er frá miðbæ kaupstaðarins út að bóndabænum Selsstöðum. Þaðan liggur 5,5 km. gönguleið eftir gömlum jeppaslóða. Á öldum áður stóð á Brimnesi ein öflugasta útgerð sem fyrirfannst á Austfjörðum. Þar má enn líta tóftir gamalla bygginga í einstaklega fallegu umhverfi. Á nesinu er einnig viti. Gönguferð í góðu veðri er þeim ógleymanleg sem hana upplifa.

Náttúra
22.32 km
Fardagafoss

Fardagafoss fellur skammt frá Egilsstöðum á leið upp Fjarðarheiði. Er hann efstur fossanna í Miðhúsaánni. Hinir heita Gufufoss og Folaldafoss. Merkt gönguleið liggur að fossinum og er hún greiðfær utan síðasti spölurinn. Bak við fossinn er hellir. Sagnir herma að í honum hafi haldið til tröllskessa. var sú trúa á að frá þeim helli lægju jarðgöng yfir í Gufufoss í Fjarðará, handan heiðarinnar. Önnur sögn hermir að náttröll búi í hellinum er hafi í fórum sínum ketil fullan af gulli.

Powered by Wikiloc
Náttúra
24.90 km
Eyvindará

Eyvindará er mikið og fagurt vatnsfall sem sprettur af þverám er falla frá Fagradal,Gagnheiði og Fjarðarheiði. Áin fellur í bugðum um láglendi Héraðs og sameinast loks Lagarfljóti. Samnefndur bær stendur á bakkanum. Munnmæli herma að haug Helga Droplaugarsonar sé að finna í landi Eyvindarár og er hann friðlýstur. Einnig eru friðlýstar tóftir þar sem bærinn hefur áður staðið. Á heitum sumardögum hafa ungmenni notað Eyvindarána til sunds og dýfinga, enda er svæðið kjörið til útivistar af öllu tagi.

Saga og menning
5.92 km
Dvergasteinn

Dvergasteinninn stendur í flæðamálinu neðan við samnefnda jörð á norðurströnd Seyðisfjarðar er fyrrum var kirkjustaður. Þjóðsagan um Dvergastein og ferðalag hans yfir fjörðinn á eftir kirkjunni, þegar hún var flutt frá suðurströndinni norður yfir fjörðinn, er landskunn. Steinninn er sérkennilegur að lögun og stingur í stúf við umhverfið.Hann er auðfundinn og aðgengi gott.

Saga og menning
12.51 km
Fjallkonustígur

Vestdalur og Vestdalseyri

3,5 klst / 6 km

Göngufæri frá júní og frameftir hausti.

Gönguferð um Vestdal í Seyðisfirði að Vestdalsvatni og að skúta ?"fjallkonunnar"?. Vestdalur og Vestdalseyri eru á náttúruminjaskrá sökum sérstæðs gróðurfars og menningarminja. Hluti leiðarinnar er gömul póst- og verslunarleið er var ein sú fjölfarnasta austanlands á nítjándu öld og fram á hina tuttugustu. Má sjá fallegar gamlar veghleðslur og vörður. Sumarið 2004 fundust fyrir tilviljun bein, nælur frá Víkingaöld og mikið perlusafn nokkru ofan við Vestdalsvatn, þar sem heitir Vatnsdalur. Rannsókn leiddi í ljós að beinin voru úr konu um þrítugsalldur frá því um 940. Telst beina- og perlufundurinn með merkari fornleifa-uppgötvunum hérlendis. Gönguleiðir upp að Vestdalsvatni, að skúta ?"fjallkonunnar" inn Stafdal, upp á Bjólf, yfir í Loðmundarfjörð eða yfir á Hérað liggja um dalinn. Sumar leiðanna eru stikaðar, aðrar eru merktar inn á kortið ?"Gönguleiðir á Víknaslóðum?" sem fæst í upplýsingamiðstöðvum.

Náttúra
17.37 km
Skálanes

Skálanes er náttúruparadís við mynni Seyðisfjarðar. Fær vegur er nær alla leið en óbrúuð á er á leiðinni. Þegar að Skálanesi er komið gefst færi á að komast í kynni við náttúruna í návígi, sérstaklega fuglalífið, þar sem þúsundir fugla af um 40 mismunandi tegundum verpa á svæðinu.

Saga og menning
24.83 km
Miðhús

Miðhús voru áður í þjóðbraut og þar var einn fyrsti áningarstaður ferðamanna á Héraði.Verslunarleið Héraðsmanna bæði á Seyðisfjörð og Eskifjörð lá þar um garð. Á Miðhúsum hefur verið rekið gallerí og lístasmiðjan Eik s/f síðan 1975. Þar er unnið úr íslensku hráefni. Þar var skorin út eftirlíkingin af Valþjófsstaðahurðinni sem nú er fyrir kirkjunni í Fljótsdal. Sigfús Sigfússon þjóðsagnaritari kenndi sig við Eyvindará, hið næsta Miðhúsum, og er minnisvarða um hann að finna niður við þjóðveg 93. Á Miðhúsum fannst gangsilfursjóður sem talin er frá víkingaöld 1985 og þótti merkur forleifafundur.

Saga og menning
0.87 km
Fossastígur

Fjarðará og Fjarðarselsvirkjun (safn)

2,5 og 4 klst. / 2 - 6 km.

Auðgengið frá júní fram til hausts.

Ánægjuleg og létt gönguleið frá hjarta Seyðisfjarðarkaupstaðar meðfram Fjarðará inn að Fjarðarselsvirkjun. Gönguleiðin liggur að hluta til um lítið skógræktarsvæði, neðan klettabeltis sunnan megin ár.
Fjölskrúðugur gróður, lækir, fossar og fögur fjallasýn prýðir þessa notalegu gönguleið. Heimsókn í elstu starfandi riðstraumsvirkjun landsins,Fjarðarsel (1913), er góður endapunktur, en þá þarf að hafa samband við Upplýsingamiðstöðina í síma 472 1551 til þess að fá hana opnaða. Aðgangur er ókeypis. Berjaland er mikið inn við Fjarðarsel, þar má finna aðalbláber, bláber og krækiber seinnihluta ágúst, allt fram til frosta.
Fossafúsum göngugörpum skal ráðlagt að halda áfram frá Fjarðarseli eftir stikuðu leiðinni sem liggur meðfram ánni að sunnanverðu .Leiðin liggur upp að svonefndum Neðri-staf; að minnisvarða um ferðafrumkvöðulinn Þorbjörn Arnoddson í um 300 m. hæð. Fögur fjallasýn, fossar, gróður og saga er skemmtileg blanda sem gerir þessa gönguferð ógleymanlega.

Saga og menning
0.36 km
Skaftfell

miðstöð myndlistar á Austurlandi

Starfrækt árið um kring
Austurvegur 42
710 Seyðisfjörður
Sími 472 1632
skaftfell@skaftfell.is
www.skaftfell.is

Starfsemi Skaftfells er helguð myndlist, með megin áherslu á samtímalist. Í Skaftfelli er öflugt sýningarhald, gestavinnustofur fyrir listamenn og kaffistofa með góðu myndlistar bókasafni. Skaftfell leggur áherslu á að vera tengiliður á milli leikinna og lærðra og stendur fyrir fjölþættu fræðslustarfi, jafnt á fjóðungs vísu og á alþjólegum grundvelli.

Samkvæmt þríhliða samningi Skaftfells, Menningarráðs Austurlands og Seyðisfjarðarkaupstaðar gegnir Skaftfell þjónustuhlutverki fyrir allt Austurland varðandi málefni myndlistar og er jafnframt ein af fjórum miðstöðvum sem saman mynda menningarmiðstöð Austurlands.

Náttúra
4.62 km
Sjö Tindar

Aðgengilegt yfir sumartímann.

Með því að klífa sjö fjallatinda við Seyðisfjörð, -flesta vel yfir 1000 m. á hæð - gefst fólki kostur á að gerast "Fjallagarpar Seyðisfjarðar". Fjöllin eru: Sandhólatindur, Bjólfur, Nóntindur, Hádegistindur, Strandartindur, Snjófjall og Bægsli. Gestabækur og stimplar eru á toppi fjallana. Nánari upplýsingar og stimpilkort fást í upplýsingamiðstöðinni í Ferjuhöfninni, Einnig eru upplýsingar á www.seydisfjordur.is

Aðrir

Listiðjan Eik
Sýningar
  • Miðhús
  • 701 Egilsstaðir
  • 471-1320
Bókasafn Seyðisfjarðar
Bóka- og skjalasöfn
  • Austurvegur 4
  • 710 Seyðisfjörður
  • 470-2339
Rarik Safnið
Söfn
  • Fjarðarsel
  • 710 Seyðisfjörður
  • 472-1122
Handverksmarkaður
Söfn
  • Austurvegur 9
  • 710 Seyðisfjörður
  • 472-1154

Aðrir

Skaftfell Bistró
Kaffihús
  • Austurvegur 42
  • 710 Seyðisfjörður
  • 472-1633
Listiðjan Eik
Sýningar
  • Miðhús
  • 701 Egilsstaðir
  • 471-1320
Kaffi Lára - El Grilló Bar
Kaffihús
  • Norðurgata 3
  • 710 Seyðisfjörður
  • 778-3340

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur