Leita
Finnur þú það ekki? Prófaðu leitina :)

Ferðaþjónustan Síreksstöðum

Síreksstaðir eru í Sunnudal, litlum og friðsællum dal inn af Hofsárdal. í Vopnafirði. Þar er frístandandi gistihús og tvö 32 ferm sumarhús í boði fyrir ferðamenn er rúma 4 manns hvort, hlýleg og vel búin öllum þægindum. Verönd með gasgrilli eru við hvort hús og heitur pottur við annað húsið. Í gistihúsinu eru 7 tveggja manna herbergi og eitt svefnherbergi með hjónarúmi og koju. Setustofa með sjónvarpi. Uppbúin rúm eða svefpokapláss. WC og sturtur til sameiginlegra afnota í miðrými hússins. Handlaugar eru í hverju herbergi. Morgunverður borin fram í veitingarstaðnum sem er áfastur við gistihúsið. Hentugt fyrir alla þá er áhuga hafa fyrir að komast út og upplifa náttúruna og kyrrðina.

Á Síreksstöðum er einnig rekinn veitingastaðurinn "Hjá okkur" sem býður upp á fjölbreyttan og góðan mat. Leitast er við að vera með sem mest af hráefni frá búinu og nágrenni. Veitingarstaðurinn er opin frá 18 til 21.

Á Síreksstöðum er stundaður hefðbundinn búskapur og njóta gestir stúkusæta sem áhorfendur að bússtörfum. Hér eru griðavé til að upplifa kyrrðina og rólegheitin, hlusta á fuglasönginn og skoða plöntulífið. Staðurinn er fjölskylduvænn og dvöl í sveitasælunni er vel þess virði að upplifa.

Afþreying:

Leiktæki, rólur, rennibraut, sandkassi.

Í boði verða dagsferðir á jeppa um nágrennið, nágrannasveitarfélög og hálendið.

Minjasafnið Bustarfelli og "Hjáleigan" kaffihús 8km. Gönguleiðir í nágrenninu. Veiði í ám og vötnum. Á slóðum Vopnfirðingasögu með leiðsögn.

Nánari upplýsingar á www.sireksstadir.is

Ferðaþjónustan Síreksstöðum

Síreksstaðir

GPS punktar N65° 37' 23.104" W14° 59' 41.564"
Gisting 9 Herbergi / 26 Rúm / 3 Hús
Opnunartími Allt árið
Þjónusta Gönguleið Sumarhúsaleiga Svefnpokapláss Hótel / gistiheimili Veitingastaður

Ferðaþjónustan Síreksstöðum - ferðaupplýsingar

Úr gagnagrunni Ferðamálastofu Íslands

Aðrir

BergEy Travel
Ferðasali dagsferða
  • Skálanesgata 4
  • 690 Vopnafjörður
  • 844-1153
Náttúra
8.44 km
Þverárgil

Þverárgil er einstaklega fallegt þar sem sjá má litríkt líparít, súrt innskotsberg frá gamalli megineldstöð sem stingur skemmtilega í stúf við annars dökkt basískt umhverfi Smjörfjallanna fyrir ofan gilið. Fuglalíf á þessu svæði er mikið sérstaklega íslenskir mófuglar. Úsýnið er stórfengilegt yfir Hofsárdalinn og á haf út.

Gönguleiðin er um tveggja klukkustunda löng og liggur aðeins uppá við. Því setjum við tvo skó á erfiðleikastig göngunnar.

Upphafsreitur göngunnar er við veg 919, Sunnudalsveg.

Powered by Wikiloc
Náttúra
20.11 km
Sandvík

Sandvík er mikil og svört sandströnd innst í Vopnafirði. Ströndin er fjölskyldupardís, gerð af náttúrunnar hendi. Þar má tína skeljar, fá sér göngutúr, skoða fuglana, byggja sér sandkastala eða hvað sem hugurinn girnist.

Fyrir miðri ströndinni strandaði flutningaskipið Mávurinn 2. október 1981. Mannbjörg varð en enn má sjá glitta í skipsflakið.

Aðgengi að Sandvík hefst við vegslóða sem liggur niður að víkinni innan við golfvöllinn.

Við hvetjum alla til að fara mjög varlega í fjörunni. Sjórinn getur verið hættulegur og má ekki láta börn vera eftirlitslaus. Þá á Hofsá það til að flæða yfir sandinn á vorin. Þar af leiðandi gætu myndast kviksyndi á sandinum.

Farið að öllu með gát, berum virðingu fyrir náttúrunni og þeim hættum sem þar kunna að leynast.

GPS: 65.735784 - 14.857769

Saga og menning
8.35 km
Bustarfell

Bustarfell er bær í Hofsárdal í Vopnafirði undir samnefndu fjalli, 6-7 km löngu. Á fjallinu er hringsjá. Á Bustarfelli er einn af fegurstu torfbæjum á Íslandi. Mun hann að stofni til vera frá 1770 en hefur oft verið breytt síðan. Búið var í bænum til 1966 en hann er nú í umsjá Þjóðminjasafnsins. Í honum er nú fjölskrúðugt minjasafn og við sérstök tækifæri er starfrækt vinnusmiðja "Sparðið" þar sem fram fer fræðsla um atvinnuhætti fyrri tíðar. Við bæinn er kaffihúsið Hjáleigan. Að Álfkonusteini er vörðuð leið og fræðsla um þjóðsögn tengda honum. Einnig um dýrabeinafund frá því fyrir ísöld.

Náttúra
24.27 km
Gljúfursá

Gjúfursárfoss fellur fram í litfögru gljúfri rétt fyrir neðan bílastæðið. Þaðan er svo merkt gönguleið er niður með Gljúfursánni, niður að sjó, um Drangsnes.

Að ganga meðfram þverhníptum klettunum er mikil upplifun og lætur fáa ósnortna. Gönguleiðin nær að Krummsholti. Þar eru velsjáanlegar ævafornar tóftir, frá víkingaöld að því að talið er. Þar á Þorsteinn uxafótur að hafa búið. Þegar maður virðir fyrir sér þessar mannvistarleyfar læðist að manni sú ósk að jörðin gæti talað og flutt okkur sögur forfeðranna.

Hinumegin fjarðarins má sjá kauptún Vopnfjarðar sem stendur á tanga sem sagar út í fjörðinn. Tanginn er kallaður Kolbeinstangi.

Áin Gljúfursá var á fyrri tíð mikill farartálmi þegar ferðast þurfti austur fyrir Hellisheiði eystri. Mörg slys urðu þegar fólk var að reyna að þvera hana fótgangandi eða á hestum. Ef gengið er frá bílastæði upp með ánni er komið að gömlu brúnni yfir Gljúfursá. Þar má sjá hleðslur frá fyrstu brúnni sem var byggð yfir ána, rétt um aldamótin 1900 og þótti þá mikið mannvirki.

Sagt er að fyrsta brúin yfir ána hafi verið byggð í kjölfar banaslyss sem þar átti sér stað þegar maður á hesti freistaði þess að komast yfir ána að vetri til.

Aðrir

Handverkshópurinn Nema-Hvað
Söfn
  • Hafnarbyggð 7
  • 690 Vopnafjörður
  • 473-1565
Vopnafjörður - Saga og menning
Söguferðaþjónusta
  • Hafnarbyggd 4a
  • 690 Vopnafjörður
  • 473-1331
Bókasafn Vopnafjarðar
Bóka- og skjalasöfn
  • Lónabraut 12
  • 690 Vopnafjörður
  • 470-3253

Aðrir

Hótel Tangi
Hótel
  • Hafnarbyggð 17, Vopnafjörður
  • 690 Vopnafjörður
  • 473-1203 , 845-2269

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur