Leita
Finnur þú það ekki? Prófaðu leitina :)

Óbyggðasetur Íslands

Óbyggðasetrið bíður upp á fjölbreytta afþreyingu, heimilislegan veitingastað og gistingu í einstöku umhverfi.

Lifandi sýning Óbyggðasetursins um ævintýri óbyggðanna hefur hlotið fjölda viðurkenninga og hentar gestum á öllum aldri.

Fjöldi lengri sem styttri gönguleiða er í nágrenninu og staðurinn vinsæll hjá gönguhópum.

Dæmi um styttri göngu er eyðibýlagangan sem liggur inn með ánni að endurgerðum kláf sem gestum er velkomið að prófa.

Óbyggðasetur Íslands

Norðurdalur

GPS punktar N64° 57' 54.155" W15° 9' 8.186"

Óbyggðasýning

LIFANDI SÝNING UM ÆVINTÝRI ÓBYGGÐANNA

Ferðastu með leiðsögn um ævintýri óbyggðanna í sjónrænni og fjölbreyttri sýningu sem hlotið hefur fjölda viðurkenninga.

Skrifað hefur verið um sérstöðu sýningarinnar í Vogue, The Cosmopolitan, Marie Claire og víðar.

Sýning sem hentar öllum aldurshópum og kemur skemmtilega á óvart.

  • Opið daglega 11:00-17:00
  • Aðgangseyrir: 2.500 kr
  • Aðgangseyrir fyrir börn 12 ára +, námsmenn, aldraða og öryrkja: 2.150 kr
Hafðu samband
Tilboð

Óbyggðasetur Íslands - ferðaupplýsingar

Úr gagnagrunni Ferðamálastofu Íslands

Náttúra
22.27 km
Hengifoss

Hengifoss er í norðanverðum Fljótsdal á móts við innri enda Lagarfljóts. Hann er næst-hæsti foss landsins, 128 m hár. Í fossbrúninni eru blágrýtislög en undir þeim sandsteinn.Í berginu finnast steingerðir trjástofnar sem vitna um mun hlýrra loftslag, enda er sandsteinninn myndaður á tertíertíma. Nokkru neðan við Hengifoss er annar foss, Litlanesfoss, lukinn óvenju fallegri stuðlabergsumgjörð.

Auðvelt er að ganga upp að Hengifossi frá upphafsstað en það tekur um 40-60 mínútur að ganga frá bílastæði að fossinum.

Hengifoss er einn vinsælasti ferðamannastaður Austurlands.

www.hengifoss.is


Powered by Wikiloc
Náttúra
7.95 km
Múlakollur

Þingmúli skiptir Skriðdal í Norðurdal og Suðurdal en hringvegurinn liggur einmitt um Suðurdal til Breiðdals. Bærinn Þingmúli var helsti þingstaður Austfirðinga í nokkrar aldir og eru Múlasýslurnar nefndar eftir honum. Fremsti hluti Þingmúla er Múlakollur. Gengið frá skilti beint upp hrygginn, um það bil 400 metra hækkun. Síðan er gaman að ganga inn fjallið og niður austan megin nokkuð innan við Múlastekk. Á þeirri leið má sjá fallegt kubbaberg.

Einnig er hægt að ganga inn með fjallinu upp frá Múlastekk.

Þingmúli er hluti af Perlum Fljótsdalshéraðs.

GPS : N65°01.624-W14°38.049

Powered by Wikiloc
Náttúra
16.13 km
Skriðuklaustur

Skriðuklaustur er fornt höfuðból og sýslumannssetur í Fljótsdal. Munkaklaustur var þar 1493-1552. Klausturrústirnar eru fundnar og þar er fornleifauppgröftur sem leitt hefur í ljós að þar hafa verið stundaðar lækningar og bókagerð og ýmsir merkir munir hafa fundist. Leiðsögn er um svæðið á sumrum. Á Skriðuklaustri er grafinn Jón hrak sem frægur er af kvæði Stephans G. Stephanssonar (1853-1927). Gunnar Gunnarsson skáld (1889-1975) settist að á Skriðuklaustri árið 1939 og reisti þar einstætt stórhýsi, teiknað af þýskum arkitekt. Skáldið gaf íslenska ríkinu jörðina þegar það flutti til Reykjavíkur árið 1948. Þar var lengi tilraunastöð í landbúnaði en árið 2000 hóf Stofnun Gunnars Gunnarssonar starfsemi sína þar. Skriðuklaustur er nú rekið sem menningar-og fræðasetur. Yfir sumarið eru margvíslegar sýningar í boði og gestum veitt persónuleg leiðsögn um hús skáldsins.

Saga og menning
17.33 km
Hrafnkelsstaðir

Hrafnkelsstaðir er býli í Fljótsdal. Þar bjó fyrrum Hrafnkell Freysgoði Hallfreðarson eftir að hann hafði verið hrakinn frá Aðalbóli í Hrafnkelsdal, að því er segir í sögu hans. Í landi Hrafnkelsstaða er Ranaskógur . Er hann yst á svonefndum Rana, en svo nefnist endi Víðivallaháls. Hálsinn mun fyrrum hafa verið vaxinn skógi.

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur