Flýtilyklar
East Highlanders
Upplifðu Hallormsstað í nýju ljósi!
East Highlanders bjóða upp á frábær ævintýri í Hallormsstaðarskógi.
- Fjórhjólaferðir - Í boði allt árið
- Við bjóðum upp á frábærar fjórhjólaferðir í skóginu. Upplifðu einstaka náttúru á Austurlandi.
- Þú getur valið á milli 40 mínútna ferð, 1 eða 2 klukkustunda fjórhjólaferða.
- Víkingakast - axarkast - Í boði frá maí út september
- Axarkast er ekki nýtt á nálinni, þetta er tilvalið fyrir þá sem hafa keppnisskap og vilja koma adrenalíninu af stað. Þessi afþreying fer fram utandyra og frábær fyrir þá sem vilja hafa gaman.
- Axarkast tekur allt að 1 klst en getur dregist ef hópurinn er stór.
- Comboferðir - fáðu það besta úr báðu og taktu combo ferð. Örugg leið til að fá sem mest út úr deginum.
Ertu með séróskir? Hafðu samband og við aðstoðum þig að skipuleggja hinn fullkomna dag fyrir þig eða þinn hóp. Hallormsstaðskógur er frábær staður bíður upp á endalausa möguleika.
Við erum staðsett í Hallormsstaðarskógi á sama stað og Hótel Hallormsstaður, 25 km fjarlægð frá Egilsstöðum.
Hafðu samband ef þú hefur einhverjar spurningar.
Hallormsstaður
East Highlanders - ferðaupplýsingar
Úr gagnagrunni Ferðamálastofu Íslands
Gistiheimili
Vallanes
Sumarhús
Hestaleigan Stóra-Sandfelli
Svefnpokagisting
Ferðaþjónustan Sandfellsskógi
Hótel
Hotel 1001 nott
Hótel
Hótel Valaskjálf - 701 Hotels
Hótel
Gistihúsið - Lake Hotel Egilsstadir
Sumarhús
Móðir jörð
Bændagisting
Hótel Eyvindará
Gistiheimili
Skipalækur
Gistiheimili
Lyngás Guesthouse - Egilsstaðir
Gistiheimili
Gistiheimilið Vínland
Hótel
Icelandair hótel Hérað
Sumarhús
Mjóanes accommodation
Sumarhús
Stormur Cottages
Gistiheimili
Eyjólfsstaðir á Héraði
Fjallaskálar
Ferðafélag Fljótsdalshéraðs
Tjaldsvæði
Camp Egilsstaðir
Hótel
Hótel Edda Egilsstaðir
Aðrir
- Helgafell 4
- 701 Egilsstaðir
- Ullartangi 6 / Skipalækur 3a
- 700 Egilsstaðir
- 471-2004, 852-1004
- Lagarfell 3
- 700 Egilsstaðir
- 8934322
- Sólvellir 4
- 700 Egilsstaðir
- Eiðar
- 701 Egilsstaðir
- 8993624
- Hlaðir
- 701 Egilsstaðir
- Úlfsstaðaskógur hús 29
- 701 Egilsstaðir
- 860-2999
- Úlfsstaðarskógur
- 701 Egilsstaðir
- 475-6798, 848-6798
- Kaupvangur 17
- 700 Egilsstaðir
- 4712450
- Flúðir
- 701 Egilsstaðir
- 471-1917, 869-7269
- Kaldá 1
- 701 Egilsstaðir
- 618-9871, 897-6060, 552-4665
Náttúra
Selskógur
Selskógur er útivistarsvæði austan Egilsstaða handan Eyvindará. Um skóginn liggja stígar og og að vetri til eru þar gönguskíðabrautir. Í skóginum er líka fótboltavöllur og leiksvæði fyrir börn.
Náttúra
Eyvindará
Eyvindará er mikið og fagurt vatnsfall sem sprettur af þverám er falla frá Fagradal,Gagnheiði og Fjarðarheiði. Áin fellur í bugðum um láglendi Héraðs og sameinast loks Lagarfljóti. Samnefndur bær stendur á bakkanum. Munnmæli herma að haug Helga Droplaugarsonar sé að finna í landi Eyvindarár og er hann friðlýstur. Einnig eru friðlýstar tóftir þar sem bærinn hefur áður staðið. Á heitum sumardögum hafa ungmenni notað Eyvindarána til sunds og dýfinga, enda er svæðið kjörið til útivistar af öllu tagi.
Náttúra
Eyjólfsstaðaskógur
Eyjólfsstaðaskógar er í eigu Skógræktarfélag Austurlands og er rúmlega 130 ha. að stærð. Að stofni til er þetta villtur birkiskógur en einnig er þar erlendar tegundir að finna. Náttúrufegurð er mikil í skóginum; þar eru tveir fossar og manngengt bak við annan þeirra. Í Eyjólfsstaðaskógi eru fjölbreyttar gönguleiðir og einnig er þar notalegur áningarstaður í skjólsælu birkirjóðri. Skógræktarfélag Austurlands hefur gefið út gönguleiðakort um svæðið.
Náttúra
Vallanes
Vallanes er kirkjustaður frá fornu fari og margir þjóðþekktir einstaklingar hafa gengið þar um götu. Þar er stunduð lífræn ræktun undir vörumerkinu "Móðir Jörð". Grænmeti og korn er ræktað og úr því unnin matvæli og hvers kyns olíur.
Í jaðri jarðarinnar eru "Iðavellir" sem státa af góðri aðstöðu til hestamennsku og litlu félagsheimili samnefndu.
Náttúra
Lagarfljót og Lögurinn
Lagarfljót er eitt mesta vatnsfall á Austurlandi. Það er um 140 km. frá upptökum Jökulsár á Fljótsdal til ósa. Efri hluti fljótsins myndar langt stöðuvatn, Löginn, sem er þriðja stærsta stöðuvatn á landinu, um 53 ferkílómetrar. Vatnið er mjög djúpt, um 112 m. þar sem dýpst er, og nær botn þess um 90 m undir sjávarmál. Samkvæmt gamalli þjóðtrú er talið að skrímsli hafist við í Lagarfljóti, Lagarfljótsormurinn. Stóð mönnum mikill stuggur af ormi þessum fyrr á öldum og þótti það boða ill tíðindi ef hann sást skjóta kryppum upp úr vatninu. Hin síðari ár hefur minna borið á honum en þó eru þess dæmi að nýlega hafi náðst sæmilega skýrar ljósmyndir af honum.
Náttúra
Tvísöngur
Tvísöngur er hljóðskúlptúr eftir þýska listamanninn Lukas Kühne. Það samanstendur af fimm sambyggðum hvelfingum af mismunandi stærðum. Hver hvelfing fyrir sig hefur eigin tíðni sem samsvarar einum tóni í fimmundarsöng og virkar sem magnari fyrir þann tón. Tvísöngur virkar þannig sem náttúruleg umgjörð fyrir íslensku tvísöngshefðina.
Náttúra
Fardagafoss
Fardagafoss fellur skammt frá Egilsstöðum á leið upp Fjarðarheiði. Er hann efstur fossanna í Miðhúsaánni. Hinir heita Gufufoss og Folaldafoss. Merkt gönguleið liggur að fossinum og er hún greiðfær utan síðasti spölurinn. Bak við fossinn er hellir. Sagnir herma að í honum hafi haldið til tröllskessa. var sú trúa á að frá þeim helli lægju jarðgöng yfir í Gufufoss í Fjarðará, handan heiðarinnar. Önnur sögn hermir að náttröll búi í hellinum er hafi í fórum sínum ketil fullan af gulli.
Saga og menning
Gálgaás
Gálgaás var forn aftökustaður Héraðsbúa, rétt austan við kirkjuna á Egilsstöðum. Staðurinn gegnir stóru hlutverki í frægu sakamáli frá liðinni tíð, því þar var Valtýr á Eyjólfsstöðum tekinn af lífi fyrir meintan stuld og morð. Hélt hann þó fram sakleysi sínu allt til skapadægurs. 14 árum síðar fannst hinn rétti morðingi, sem einnig hét Valtýr. Mætti hann einnig örlögum sínum á Gálgaási. Lengi voru bein hans sjáanleg undir ásnum, því óðar blésu þau upp, hversu sem urðað var yfir.
Náttúra
Rauðshaugur
Rauðshaugur er áberandi brjóstlaga hóll upp af Höfða og sést víða af Héraði. Þjóðsaga segir hólinn vera grafhaug Rauðs bónda á Ketilsstöðum, sem nefndur er Ásrauður í fornsögum, og sést þaðan til tveggja annarra frægra hauga, Bessahaugs í Fljótsdal og Ormarshaugs í Fellum.
Sagan segir að Rauður hafi verið heygður með öll sín auðæfi og að fólk hafi reynt að grafa í hauginn en orðið frá að hverfa þar sem bærinn á Ketilsstöðum virtist standa í ljósum logum. Frábært útsýni yfir Fljótsdalshérað.
Gengið frá skilti við Fagradalsveg ( N 6 5 ° 1 4 . 5 9 0 -W 1 4 ° 2 1 . 1 5 6 ) eftir vegaslóða áleiðis inn Egilsstaðahálsinn.
Rauðshaugur er hluti af Perlum Fljótsdalshéraðs.
GPS : N65°12.77-W14°23.01
Náttúra
Gufufoss
Gufufoss er fallegur foss innarlega í Seyðisfirði. Nafnið er tilkomið vegna mikillar gufu sem fossinn gefur frá sér og sveipar hann ákveðinni dulúð. Vegurinn yfir Fjarðaheiði liggur rétt við fossinn og er aðgengi að honum mjög gott.
Hitt og þetta
Golfvöllurinn á Seyðisfirði
Golfvöllurinn á Seyðisfirði er Hagavöllur, 9 holu golfvöllur rétt innan við kaupstaðinn, hægra megin vegarins áleiðis upp á Fjarðarheiðina til Egilsstaða. Huggulegur golfskáli tekur á móti gestum áður en gengið er á 1.teig. Hagavöllur er annálaður fyrir breiðar brautir, einstaka kyrrð og nálægð við fjallahringinn.
Náttúra
Hrafnafell
Ekið Fjallsselsveg upp á hæsta ás suðvestan við Hafrafell. Gengið frá skilti við veg að fjarskiptamöstrum á Hrafnafelli þar sem hólkinn með gestabók og stimpli er að finna. Upplagt að koma við í Hrafnafellsrétt (N65°18.02-W14°29.23), sem er sérstæð, hlaðin grjótrétt milli kletta skammt austan vegar. Gaman er að ganga síðan út af Hrafnafellinu og inn með því að austanverðu og koma við í Kvíahelli (N65°18,359-W14°29,063).
Ef farinn er hringurinn er hann 5.8 km og rauð leið.
Hluti af Perlum Fljótsdalshéraðs
GPS : N65°18,304-W14°29,098
Saga og menning
Nielsenshús
Nielsenshús var fyrsta íbúðarhús sem reist var á Egilsstöðum árið 1944 af hinum danska Oswald Nielsen. Nú er þar rekið snyrtilegt og fallegur veitingastaður, Nielsen restaurant. Hægt er að sitja út á verönd í góðu veðri og upplifa danska sumarstemmingu á Egilsstöðum.
Náttúra
Heiðarendi
Ekið upp fyrir Heiðarsel og beygt inn á slóð til vinstri áður en komið er að Nátthaga. Gengið frá skilti sem er við gamla veginn fyrir ofan Nátthaga. Gengið upp á brún og síðan út eftir til hægri uns komið er að hólknum þar sem er gestabók og stimpill. Gaman er að ganga út Heiðarendann, niður og inn með honum til baka eftir gamla veginum.
Hluti af Perlum Fljótsdalshéraðs
GPS : N65°23.085-W14°33.819
Náttúra
Valtýshellir
Gengið frá skilti við þjóðveg 1 austan (utan) við Gilsá (N65°08,172-W14°31.133). Farið er framhjá rústum Hátúna en þar var myndarbýli í árdaga Íslandsbyggðar og er sagt að þar hafi verið 18 hurðir á járnum. Sjást þar enn merki um hlaðna grjótgarða. Á 19. öld fannst þar fornt sverð, sem var brætt upp og úr því smíðaðar skaflaskeifur og aðrir þarfir hlutir. Áfram er gengið og komið að sléttum grasvelli, sem kallast Kálfavellir.
Valtýshellir er lítill skúti innan við urðarrana skammt innan og norðan af Hjálpleysuvatni. Gangan í heild er um 8,4 km. Hólkurinn með gestabók og stimpli er rétt innan við skútann.
Valtýshellir er hluti af Perlum Fljótsdalshéraðs.
GPS : N65°06.410-W14°28.517
Náttúra
Eiðar
Eiðar voru stórbýli til forna, höfðingjasetur og kirkjustaður. Árið 1883 var stofnaður þar bændaskóli en honum var breytt í héraðsskóla (Alþýðuskólinn á Eiðum) árið 1918. Skólinn var lagður niður í lok 20. aldar og síðan hafa verið uppi áform að finna þessum sögufræga stað verðug verkefni. Þar er nú Edduhótel á sumrin en grunnskóli hefur verið starfræktur fram á síðustu ár.
Náttúra
Höttur
Höttur (Hátúnahöttur) er tignarlegt fjall, sem rís upp af fjallshryggnum milli AusturValla og Fagradals, og er af mörgum talinn bæjarfjall Egilsstaða.
Gengið frá skilti við þjóðveg 1 austan (utan) við Gilsá (N65°08,172-W14°31.133) í átt að Grjótánni aðeins utan við Víðihjalla og upp með ánni. Áfram upp á Hattarhólana og síðan beygt inn eftir og upp á Höttinn (1106 m).
Höttur er hluti af Perlum Fljótsdalshéraðs.
GPS : N65°07.63-W14°27.25
Hitt og þetta
Golfvöllurinn í Fellabæ
Hægt er að bregða sér í golf á vellinum í Fljótsdalshéraði. Þar er huggulegur 9 holu völlur sem rekinn er af golfklúbbi Fljótsdalshéraðs. Völlurinn heitir Ekkjufellsvöllur og par 70 auk þess að státa af einni par-5 braut, sex par-4 braum og tveimur par-3 brautum.
Saga og menning
Miðhús
Miðhús voru áður í þjóðbraut og þar var einn fyrsti áningarstaður ferðamanna á Héraði.Verslunarleið Héraðsmanna bæði á Seyðisfjörð og Eskifjörð lá þar um garð. Á Miðhúsum hefur verið rekið gallerí og lístasmiðjan Eik s/f síðan 1975. Þar er unnið úr íslensku hráefni. Þar var skorin út eftirlíkingin af Valþjófsstaðahurðinni sem nú er fyrir kirkjunni í Fljótsdal. Sigfús Sigfússon þjóðsagnaritari kenndi sig við Eyvindará, hið næsta Miðhúsum, og er minnisvarða um hann að finna niður við þjóðveg 93. Á Miðhúsum fannst gangsilfursjóður sem talin er frá víkingaöld 1985 og þótti merkur forleifafundur.
Saga og menning
Galtastaðir Fram
Galtastaðir Fram er gamall, uppgerður torfbær sem nú er í vörslu Þjóðminjasafnsins. Hann hefur þá sérstöðu umfram aðra torfbæi landsins að skarta fjósbaðstofu; þ.e. fjósið var undir baðstofunni til þess að ylurinn frá kúnum vermdi húsakynnin. Ferðamönnum er heimilt að skoða bæinn, að fengnu samþykki húsráðanda. Stutt er þaðan í Geirsstaði þar sem er endurgert bænahús frá fyrstu öldum Íslandsbyggðar.
Náttúra
Rangárhnjúkur
Gengið frá skilti við hliðið að Fjallsseli og genginn vegarslóði fyrir ofan bæinn. Þegar upp er komið er farið út af veginum og gengið út á Rangárhnjúkinn þar sem hólkurinn með gestabók og stimpli er. Gaman er að fara niður hjá Egilsseli og ganga síðan veginn til baka í Fjallssel. Er þá gengið framhjá Dansgjá, sem er sérkennileg gjá eða sprunga í gegnum klettaás, vestur af Staffellsbjörgum rétt við veginn.
Rangárhnjúkur er hluti af Perlum Fljótsdalshéraðs.
GPS : N65°19.410-W14°35.498