Leita
Finnur þú það ekki? Prófaðu leitina :)

Silfurberg

Silfurberg er nýtt lítið sveitahótel, staðsett að Þorgrímsstöðum í botni Breiðdals. Silfurberg er við þjóðveg 1 í 53 km fjarlægð frá Egilsstöðum og 30 km fjarlægð frá Breiðdalsvík.

Silfurberg býður upp á gistingu í fjórum tveggja manna herbergjum og einu fjölskylduherbergi sem staðsett eru í nýuppgerðri hlöðu. Morgunverður er innifalinn í verði. Aðrar máltíðir eru í boði samkvæmt samkomulagi. Vakin er athygli á því að panta þarf kvöldverð að kvöldi komudags með sólarhrings fyrirvara. Boðið er upp á hollan og góðan mat og aðeins notað fyrsta flokks hráefni.

Mikil áhersla er lögð á þægindi sem og góða og persónulega þjónustu. Metnaður er lagður í að gera dvölina sem eftirminnilegasta. Öll aðstaða er fyrsta flokks. Vistarverurnar eru mjög vandaðar. Á Silfurbergi eru setustofa, bar og þráðlaus internettenging. Boðið er upp á heitan pott og gufubað (sauna). Utandyra er völlur fyrir vinsælan kúluspilsleik (sem á ensku nefnist boules og á frönsku petanque).

Nánari upplýsingar um verð og bókanir eru á heimasíðu Silfurbergs. Vinsamlegast hafið samband vegna verðlista og bókana.

Silfurberg

Þorgrímsstaðir

GPS punktar N64° 53' 36.374" W14° 30' 19.390"
Sími

475-1515

Gisting 5 Herbergi / 12 Rúm
Opnunartími 01/06 - 31/08
Þjónusta Hótel / gistiheimili Veitingastaður Aðgangur að interneti Heitur pottur Sturta Gufubað Tekið við greiðslukortum Bar
Flokkar Gistiheimili , Hótel

Silfurberg - ferðaupplýsingar

Úr gagnagrunni Ferðamálastofu Íslands

Aðrir

Hestaleigan Fell
Dagsferðir
  • Fell
  • 760 Breiðdalsvík
  • 897-4318
Saga og menning
5.72 km
Höskuldsstaðir

Höskuldsstöðum, innarlega í Suðurdal Breiðdals, var póstafgreiðsla allt til 1947 og því höfðu landpóstarnir þar viðkomu á ferð sinni yfir Berufjarðaskarð. Höskuldsstaðir eru einnig fæðingastaður og æskuslóðir fræðimannsins dr. Stefáns Einarssonar fv. prófessors við John Hopkins háskóla í Baltimore. Í heimagrafreitnum að Höskuldsstöðum er dufteski dr. Stefáns varðveitt, ásamt dufteski fyrri konu hans Margarete Schwarzenburg.

Saga og menning
22.56 km
Heydalir - Eydalir

Kirkja hefur verið að Eydölum frá fyrstu tíð kristni. Prestsetrið hefur löngum verið með betri brauðum og þar hafa setið margir vel metnir prestar. Frægastir þeirra er sálmaskáldið sr. Einar Sigurðsson (1538-1626) sem kunnastur er fyrir jólasálminn Kvæði af stallinum Kristí sem kallast Vöggukvæði, en er nútímamönnum tamast sem Nóttin var sú ágæt ein. Minnisvarði um sr. Einar stendur á grunni gömlu kirkjunnar í kirkjugarðinum að Eydölum.

Náttúra
10.94 km
Flögufoss

Flögufoss er hæsti foss í Breiðdal um 60 m. Fossinn er í Flöguá sem rennur um Flögudal. Dalurinn sá afmarkast af Smátindum og Slötti. Frá vegi er stutt og létt gönguleið að fossinum.

Náttúra
6.74 km
Jórvíkurskógur

Jórvíkurskógur er skógræktarsvæði eins og þau gerast best. Kjarr og rækttaður skógur, gamalt hús í lundi en lækjarsprænur liðast niður hlíðina. Fuglalíf er með líflegasta móti, vinalegir göngustígar og notaleg aðstaða fyrir fjölskyldufólk.

Náttúra
5.61 km
Heiðavatn

Fjölfarinn vegur liggur inn Breiðdal og yfir Breiðdalsheiði. Efst á heiðinni er lítið og fallegt stöðuvatn. Þarna eins og víðar á Austfjörðum má búast við að koma auga á hreindýr á leiðinni, tilvalið fyrir ferðamannin að stoppa og ganga í kringum vatnið og setjast síðan niður og borða nestið sitt á þessum fallega stað.

Náttúra
18.55 km
Stuttidalur

Gengið frá skilti, rétt við þjóðveg 1 í átt að Haugaánni. Farið í gegnum gönguhlið og síðan gengið upp með girðingu ca 600 m. Haldið áfram eftir stikaðri leið. Stuttidalur liggur í austur á milli Hallbjarnarstaðatinds og Haugafjalls. Hólkurinn með gestabók og stimpli er við tjörnina skammt innan við Sjónarhraunið. Upplagt að fara yfir ána og ganga um Haugahólana til baka niður að þjóðvegi.

Haugahólar eru geysimikið berghlaup, eitt hið stærsta á Íslandi, sem fallið hefur úr Haugafjalli milli Stuttadals og Vatnsdals.

Stuttidalur er hluti af Perlum Fljótsdalshéraðs.

GPS : N64°59.173-W14°35.217

Powered by Wikiloc
Náttúra
19.05 km
Aldamótaskógur við Tinnu

Sumarið 2000 var gróðursettur í landi Eydala við Landnyrðingsskjólbakka hlutur Austurfirðinga-fjórðungs í skógræktarverkefninu Aldamótaskógur. Á sjötta áratug 20. aldar var gróðursett talsvert í reitnum upp við Tinnu og er því þar skemmtilegt útivistarsvæði, um 1. km frá þjóðvegi 1 inn í Norðurdal. Falleg merkt gönguleið liggur í gegnum skóginn meðfram Tinnudalsá út á þjóðveg 1.Við Staðarborg hefur Skógræktarfélag Breiðdæla einnig gróðursett mikið síðustu ár og er þar einnig nú að verða til útivistarsvæði.

Náttúra
19.68 km
Beljandi

Skammt fyrir utan bæinn Brekkuborg er fossinn Beljandi í Breiðdalsá. Raunar eru fossarnir tveir, ytri og innri, og samnefndir hylir við. Þetta er mjög fagurt svæði og skemmtilegt til útivistar.

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur