Logo texti

Opinber ferðavefur um Austurland

Ferðaupplýsingar

Hvernig og hvert á að fara?

Afþreying og veitingar

Staðir, veitingar og afþreying

Gisting

Hótel, tjaldsvæði og allt þar á milli

Hugmyndir

Gerðu ferðalagið ógleymanlegt og fáðu hugmyndir frá heimamönnum

Flokkur

Í grennd við

Leitarorð

Leita

Sjá lista Sjá kort

Stöðvarfjörður

Stöðvarfjörður liggur milli Fáskrúðsfjarðar og Breiðdalsvíkur. Fjörðurinn er grunnur og undirlendi takmarkað að sunnanverðu. Inn af firðinum skerast Jafnadalur og Stöðvardalur. Um Stöðvardal fellur samnefnd á út í fjörð og myndar svonefnda Öldu við sjóinn. Stöð hét kauptúnið áður og er snyrtilegt þorp. Viðurværi hafa Stöðfirðingar af sjávarútvegi en þar þrífst einnig blómlegur listiðnaður og ferðaþjónusta. Út með firðinum norðanverðum, rétt við hin gömlu hreppamörk Stöðvarhrepps og Fáskrúðsfjarðarhrepps, er einstakt náttúrufyrirbrigði; gatklettur sem nefnist Saxa. Í austlægum vindáttum dregur Saxa til sín þara, rekavið og annað lauslegt úr sjó, kurlar það í smátt og feykir hátt í loft upp.

Fjallahringur Stöðvarfjarðar er fagur. Ofan kauptúnsins eru Steðji og Sauðabólstindur og sunnan við fjörðinn eru Súlurnar. Súlurnar eru blágrýtistindur sem klofinn er í tennt. Þangað er krefjandi gönguleið fyrir klifurkappa. Neðra eru Kambanesskriður sem áður fyrr voru verulegur farartálmi. Á Kambanesi er fagurt útivistarsvæði. Í Jafnadal er steinbogi í hlíðum Álftafells og einnig klettaþyrpingin Einbúinn. Fjöllin eru auðkleif og sérlega góð gönguleið er upp á svonefndar Landabrúnir og Ólukku. Í þessum gömlu formfögru fjöllum hafa fundnist dýrgripir þeir sem prýða steinasafn Petru.

Stöðvarfjörður

Fá leiðarlýsingu

Stöðvarfjörður

GPS punktar N64° 50' 18.002" W13° 52' 51.972"

Póstnúmer

755

Fólksfjöldi

186

Vefsíða http://www.visitfjardabyggd.is/fjardabyggd/stodvarfjordur/

Stöðvarfjörður - ferðaupplýsingar

Úr gagnagrunni Ferðamálastofu Íslands

Afþreying (5)
Gisting (4)
Matur og drykkur (2)
Áhugaverðir staðir (4)

Veftré

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.

Map

Upplýsingamiðstöð Austurlands
Miðvangi 1-3
700 Egilsstöðum, Ísland
info@east.is / 471 2320
Fyrirspurnir fjölmiðla - Austurbrú
470 3800/east@east.is

Deildu upplifun þinni
#easticeland #austurland
Fylgstu með á facebook
Fylgstu með á Instagram
Fylgstu með á TripAdvisor

Öruggur ferðamáti á Íslandi

Safe travel er með það að markmiði að bæta öryggi ferðamanna á ferð um landið.

Snjallsímaforritið 112 ICELAND er afar einfalt i notkun og hefur tvennskonar virkni. Annarsvegar er hægt að kalla á aðstoð ef um slys eða óhapp er að ræða. Hinsvegar að skilja eftir sig „slóð“ en slíkt má nota ef óttast er um afdrif viðkomandi og leit þarf að fara fram.

Á heimasíðunni safetravel.is finnur þú leiðbeiningar um hvernig bera skal sig að á ferðalögum um landið

Veðrið núna

Veðurspá Íslands

Eru líkur á norðurljósum í kvöld?
Veðurstofa íslands gefur út spá um virkni og sýnileika norðurljósa á Íslandi.
Spáin er gerð út frá birtuskilyrðum, virkni í norðurljósabeltinu og skýjahulu. Hægt er að velja nokkra daga fram í tímann og sjá hversu mikil norðurljósavirknin verður en skýjahulan skiptir mestu máli. Sé spáð léttskýjuðu kvöldi er athugað hvort líkur eru á norðurljósavirkni það kvöld. Á vefsíðunni er einnig textaspá veðurfræðings um hvar er líklegast að sjáist til norðurljósa á landinu.

Kynntu þér Norðurljósaspána á Vedur.is

Akstur á Íslandi

Vegagerðin hefur á undanförnum árum komið upp greinargóðu upplýsinganeti um landið allt svo hægt er að fylgjast með færð og ástandi vega með mun nákvæmari hætti en áður og koma slíkri vitneskju til fólks. Vegagerðin fylgist einnig með ástandi vega á hálendinu og birtir reglulega upplýsingar um það en þær má nálgast hjá Upplýsingaþjónustu Vegagerðarinnar (sími 1777) og hjá upplýsingamiðstöðvum fyrir ferðamenn víða um land.

Sérstaklega skal bent á vef Vegagerðarinnar en þar má finna ýmsar upplýsingar; yfirlitskort og skýringar sem gagnlegar eru áður en lagt er af stað í ferðalag. Ferðaupplýsingar Vegagerðarinnar á vefnum lúta fyrst og fremst að færð vega og veðri. Upplýsingar um færð eru uppfærðar að morgni og síðan eftir ástæðum fram til kvölds. Veðurupplýsingar eru í flestum tilfellum uppfærðar 1-2 sinnum á klukkustund allan sólarhringinn

Frekari upplýsingar á vegagerdin.is