Leita
Finnur þú það ekki? Prófaðu leitina :)

Samgöngur

austfjardaleid.jpg
Samgöngur

Hvort sem ætlunin er að aka um á eigin vegum, ferðast með rútu eða fara gangandi, hjólandi eða jafnvel fljúgandi um landið, er af nógu að taka.

Almenningssamgöngur

Strætisvagnar ganga daglega um allt höfuðborgarsvæðið og þeir eru einnig með áætlunarakstur út á land. Hægt er að kaupa sérstaka miða til að nota í strætisvagnana eða kort í mismunandi verðflokkum, sem henta fólki sem notar strætisvagnana mikið.

Sjá heimasíðu Strætisvagna Austurlands.

Bílaleigur

Fjöldinn allur er af bílaleigum um allt land. Sumar eru hluti af alþjóðlegum keðjum, aðrar í einkaeigu. Það getur verið mismikill verð- og gæðamunur á milli bílaleiga og því æskilegt að skoða vel alla valmöguleika.

Ferjur

Nokkrar ferjur ganga milli lands og þeirra eyja sem eru við Ísland. Einnig hefur alþjóðlega ferjan Norræna viðdvöl á Íslandi, en hún leggur að á Seyðisfirði.

Innanlandsflug

Á Íslandi eru nokkur flugfélög sem sinna bæði alþjóðlegu flugi og innanlandsflugi. Hægt er að bóka flug á heimasíðum þeirra eða í gegnum síma.

Leigubílar

Hægt er að nálgast leigubíla í þéttbýli á flestum stöðum landsins. Þeir eru allir með mæli og rukka bæði fast upphafsgjald og mínútugjald sem leggst þar ofan á.

Rútuferðir

Rútur ganga um allt landið. Sumar leiðir er ekið allan ársins hring, en aðrar eru aðeins opnar yfir sumartímann. Hægt er að nálgast kort sem sýna allar rútu- og strætisvagnaferðir um  landið, meðal annars á upplýsingamiðstöðvum ferðamála.

Skipaferðir til Íslands

Þó að algengast sé að fólk ferðist til og frá Íslandi með flugi er einnig nokkuð um að fólk komi hingað með skipi. Ferjan Norræna hefur viðdvöl á austurlandi, en einnig koma hingað fjölmörg skemmtiferðaskip á hverju ári, sem leggja að í öllum landshlutum.

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur