Leita
Finnur þú það ekki? Prófaðu leitina :)

Sólbrekka Mjóafirði

Ferðaþjónustan Sólbrekku er 42 km frá Egilsstöðum, ekið um veg nr. 953. Í Sólbrekku gistiheimili eru 5 herbergi með samtals 18 rúmstæðum, uppbúið rúm eða svefnpokapláss, sameiginlegt eldhús og setustofa, þrjár snyrtingar m/ sturtum.

Fyrir framan gistiheimilið eru útibekkir, borð og stólar og leikvöllur er skammt undan. Tjaldsvæðið er á grasfleti framan við gistiheimilið og möguleiki á rafmagni f/ húsbíla. Frí nettenging er fyrir næturgesti og afnot af þvottavél og þurrkara. Einnig er reiðhjólaleiga í Sólbrekku og hægt að leigja reiðhjól heilan dag eða hluta úr degi.

Tvö sumarhús standa á Brekkubrún, neðan við bæinn Brekku. Í hvoru húsi er svefnpláss fyrir 4-5, svefnherbergi með tvíbreiðu rúmi á neðri hæð auk svefnlofts með rými fyrir 2. Á neðri hæð er fullbúinn eldhúskrókur, eldhúsborð, svefnsófi og sófaborð ásamt sjónvarpi. Í boði er uppbúið rúm eða svefnpokapláss. Frí nettenging.

Kaffi og léttar veitingar eru seldar í Sólbrekku frá 15. júní - 10. ágúst

Merktar gönguleiðir eru í nágrenninu, fallegir fossar og mikil náttúrufegurð.

Hægt að kaupa göngukort.

Opnunartími:
Gisting er opin 06/06 - 31/08
Kaffi og veitingasala er opin 15/06 - 10/08

Til að sjá 360° mynd af Sólbrekku, smellið hér.

Sólbrekka Mjóafirði

Brekka

GPS punktar N65° 12' 10.739" W13° 47' 37.234"
Opnunartími 06/06 - 31/08
Þjónusta Reykingar bannaðar Gönguleið Sumarhúsaleiga Svefnpokapláss Hótel / gistiheimili Bensínstöð Kaffihús Tjaldsvæði Upplýsingamiðstöð Aðgangur að interneti Handverk til sölu Reiðhjólaleiga Tekið við greiðslukortum Bar

Sólbrekka Mjóafirði - ferðaupplýsingar

Úr gagnagrunni Ferðamálastofu Íslands

Náttúra
14.83 km
Dalatangi

Leiðin út á Dalatanga liggur eftir mjóum slóða sem fikrar sig út eftir Mjóafirði. Ekið er meðfram skriðum og hamrabrúnum, framhjá fossum og dalgilum. Er Dalatangi birtist, er því líkast sem sé maður staddur á eyju inn í landi. Austar er ekki hægt að aka. Við Dalatangavita opnast mikið útsýni til norðurs allt að Glettingi og inn í mynni Loðmundarfjarðar og Seyðisfjarðar.
Vitarnir tveir sem standa á Dalatanga eiga sér merka sögu, sá eldri reistur að frumkvæði norska útgerðar- og athafnamannsins Ottos Wathne 1895. Hann er hlaðinn úr blágrýti og steinlím á milli. Yngri vitinn sem er enn í notkun, reistur 1908. Á Dalatanga er fallegt býli og túnjaðrar býlisins nema við sjávarbrúnir. Við bæjarhúsin er skrúðgarður og gróðurhús.

Náttúra
14.44 km
Prestagil

Prestagil er innst inn í Mjóifjörður, sunnan megin í firðinum. Gilið dregur nafn sitt af prestum sem tældir voru af tröllskessu sem bjó í gilinu. Þetta er fagurt útivistarsvæði.


Náttúra
12.87 km
Klifbrekkufossar

Klifbrekkufossar er stórfengleg fossasyrpa innst inn í botni Mjóafjarðar. Þeir blasa við hægra megin þjóðvegins þegar ekið er niður af Mjóafjarðarheiðinni.

Náttúra
4.10 km
Asknes

Að Asknesi í Mjóafirði má sjá leifar af gamalli hvalstöð, sem reist var af Norðmönnum um aldamótin 1900. Var hún sú stærsta í heiminum á þeim tíma. Þegar umsvif stöðvarinnar voru í hámarki unnu þar um 200 manns en í dag búa aðeins um 40 manns í Mjóafirði öllum.

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur