Leita
Finnur þú það ekki? Prófaðu leitina :)

Farfuglaheimilið Húsey

Heimsókn í Húsey við Héraðsflóa er hrein náttúruupplifun. Víðsýni er mikið í Húsey og fagurt til allra átta. Selir liggja á eyrum fljótanna Lagarfljóts og Jökulsár á Brú. Þarna er að sjá marga fugla t.d. kjóa, skúm og lóminn. Oft má líka sjá hreindýr. Best af öllu er að njóta náttúrunnar á hestbaki en farið er daglega í selaskoðun á hestbaki kl 10:00 og 17:00. Nauðsynlegt er að hringja á undan sér.

Farfuglaheimilið er til húsa í gamla íbúðarhúsinu sem var endurnýjað til þeirra nota. Þar er hægt að gista og góð eldunaraðstaða fyrir hendi.

Verðskrá (ath rúmfatnaður innifalinn):

Gisting Verðlisti 2019
Dormitory 5300 kr
1 Manns herbergi 7000 kr
2 Manna herbergi 11100 kr
3 Manna herbergi 15900 kr
4 Manna herbergi 21200 kr
6 Manna herbergi

31800 kr

Börn 4-12 ára fá afslátt á nótt -1500 kr / nótt
Börn 1 til 4 ára Frítt (nema það taki rúm þá 1500 afsláttur)

(Par með 2 ára barn sem bókar 3 manna borgar 3 manna herbergja verð

mínus 1500 kr)

Húsbíll sem notar ekki hús

500 kr

Húsbíll sem notar klóset og sturtu

800 kr / mann
Húsbíll sem líka notar eldhús 2000 kr / mann
Morgunmatur (bókast með fyrirvara) 2000 kr
Ferðir:
Selaskoðun á hesti 2 tímar 9000 kr
Hestaferð meðfram Jöklu og Lagarfljóti 4 klst 19365 kr
Galtastaðir 2 dagar 3 nætur Hestaferð 54280 kr
Vika á hesti

87100 kr - 107500 kr (eftir árstíð)

Farfuglaheimilið Húsey

Húsey

GPS punktar N65° 37' 57.416" W14° 16' 34.244"
Vefsíða www.huseyfarm.is
Gisting 7 Herbergi / 23 Rúm / 23 Svefnpokar
Opnunartími 01/04 - 01/11
Þjónusta Áningarstaður Hestaferðir Athyglisverður staður Gönguleið Fuglaskoðun Bandalag Íslenskra Hjólbarðaverkstæði Svefnpokapláss Bifreiðaverkstæði Hótel / gistiheimili Bensínstöð Selalátur Sundlaug Eldunaraðstaða Golfvöllur Kjörbúð Bakarí Banki Kirkja Bátsferðir Flugvöllur Heilsugæsla Dýralæknir Tekið við greiðslukortum Bílferja Morgunverður eingöngu

Farfuglaheimilið Húsey - ferðaupplýsingar

Úr gagnagrunni Ferðamálastofu Íslands

Aðrir

Randahóll ehf.
Ferðaskipuleggjendur
  • Sandur
  • 701 Egilsstaðir
  • 869-9043
Ferðaþjónustan Ekru
Bændagisting
  • Ekra
  • 701 Egilsstaðir
  • 471-3054, 868-0957
Saga og menning
11.01 km
Unaós

Unaós er kenndur við Una Garðarsson landnámsmann, en Landnáma segir hann hafa tekið land í ósnum. Landnám hans náði alla leið að Unalæk. Uni lagði skipi sínu að hamri sem er innar við Selfljót og heitir Knörr. Við ströndina við ósa Selfljóts er Krosshöfði og við hann Óshöfn sem varð löggild höfn árið 1902. Var vörum skipað þar upp uns bílfær vegur var lagður til Borgarfjarðar eystri árið 1950. Þurfti ládauðan sjó og háflæði til að uppskipun væri kleif. Fróðlegt er að koma að Unaósi og skoða sig um. Góðar gönguleiðir eru í nágrenninu t.d. merkt gönguleið í Stapavík.

Náttúra
18.18 km
Stórurð

Frá Vatnsskarði, á leiðinni til Borgarfjörður Eystri, er gengið í Stórurð sem er ein hrikalegasta náttúrusmíð á Íslandi. Í urðinni er einstök náttúra, sléttir grasbalar, hrikalegir grjótruðningar, steinblokkir, sumar tugir metra á hæð, fagrar tjarnir og sérstakur gróður. Ganga í Stórurð er einstök upplifun og best er að hefja hana uppi á Vatnsskarði, ganga inn eftir fjallasyrpunni og til baka neðri leiðina út í Ósfjall (um 16 km.). Einnig er hægt að halda áfram til Borgarfjarðar norðan eða sunnan Dyrfjalla. Í Stórurðargöngu þarf heilan dag til að njóta svæðisins að verðleikum. Gestabók er í Urðinni.

Powered by Wikiloc

Náttúra
0.42 km
Húsey

Gengið er um sléttuna utan við Húseyjarbæinn út við Héraðsflóa. Hægt er að velja um 6 km (ca 2 klst) eða 14 km hringleið. Mikið fuglalíf og selalátur. Gengið frá skilti sem er innan við hliðið hjá Húsey. Gengið í átt að Jökulsá og síðan gengnir bakkar allt þar til komið er að hólknum þar sem er gestabók og stimpill. Hólkurinn er við borð nálægt sjónum ca 3 km utan við bæinn. Síðan er haldið áfram og stefnt á Húseyjarbæinn. Loks er vegurinn genginn og hringnum lokað.

Húsey er hluti af Perlum Fljótsdalshéraðs

GPS : N65°38.775-W14°14.670

Powered by Wikiloc
Saga og menning
22.34 km
Geirastaðakirkja

Geirastaðakirkja er endurgerð kirkja sem grafin var upp skammt frá Litla Bakka. Hún er talin vera eins og almennar bændakirkjur voru frá frumkristni eða um 1000-1100.

Saga og menning
15.06 km
Kirkjubær

Kirkjubær í Hróarstungu var prestsetur til 1956. Kirkjan var reist 1851, stór og stílhrein timburkirkja með prédikunarstól frá tíð Guðbrands Þorlákssonar biskups. Skírnarskálin er með tréumgjörð skorinni af Ríkarði Jónssyni myndhöggvara og altaristaflan er frá 1894. Gripir úr eigu kirkjunnar eru einnig í varðveislu á þjóðminjasafni. Lögferja var við Kirkjubæ.


Náttúra
18.19 km
Dyrfjöll

Dyrfjöll eru ein af perlum Austurlands. Fjöllin eru þekkt fyrir stórt skarð í miðju fjallgarðsins sem eru eins og risastórar dyr og draga fjöllin nafn sitt af þessu skarði. Það er erfið ganga upp á topp Dyrfjalla og ættu aðeins vanir göngumenn að leggja í ferðu upp á toppinn. Hægt er að fá leiðsagnar vanra fjallaleiðsögumanna upp á topp ef þess sé óskað.

Útsýnið af toppnum er stórkostlegt og sést meðal annars mjög vel yfir hina fallegu náttúruperlu Stórurð þaðan.

Powered by Wikiloc
Náttúra
11.03 km
Stapavík

Við Unaós er Stapavík, fögur vík norðan Héraðssanda, kærkomin lending fyrrum í hafnleysu Héraðsflóa. Þar var fyrrum verslunarhöfn. Í Stapavík liggur vörðuð leið frá þjóðveginum, u.þ.b. klukkutíma ganga er hvora leið.

Powered by Wikiloc
Saga og menning
20.77 km
Njarðvíkurskriður og Naddi

Áður en vegur var lagður milli Njarðvíkur og Borgarfjarðar eystra árið 1949, var einvörðungu unnt að fara þar á milli fótgangandi eða á hestbaki. Í skriðurótunum hélt sig skrímsli sem nefnt var Naddi. Var það í mannsmynd ofan mittis en í dýrslíki að neðan. Olli Naddi vegfarendum mörgum skráveifum og aldurtila. Að endingu tókst bónda nokkrum að fyrirkoma Nadda og hrinda honum í sjó fram.
Í framhaldi var reistur kross í skriðunum og hefur trúartákn staðið þar síðan eða allt frá árinu 1306 eða þar um það bil.

Náttúra
20.83 km
Innra Hvannagil

Innra Hvannagil er í Njarðvík við Borgarfjörð eystra og hægt er að aka alveg að gilinu. Frá bílastæði er gengið er um 100 m. upp með ánni, upp fyrir berggang sem byrgir útsýn inn í gilið. Þar opnast ævintýraheimur. Fallegar bergmyndanir eru í gilbörmunum og botn árinnar er mjög sérstakur á flúðum í gilinu.

Saga og menning
20.47 km
Galtastaðir Fram

Galtastaðir Fram er gamall, uppgerður torfbær sem nú er í vörslu Þjóðminjasafnsins. Hann hefur þá sérstöðu umfram aðra torfbæi landsins að skarta fjósbaðstofu; þ.e. fjósið var undir baðstofunni til þess að ylurinn frá kúnum vermdi húsakynnin. Ferðamönnum er heimilt að skoða bæinn, að fengnu samþykki húsráðanda. Stutt er þaðan í Geirsstaði þar sem er endurgert bænahús frá fyrstu öldum Íslandsbyggðar.

Saga og menning
14.37 km
Kjarvalshvammur

Kjarvalshvamm er að finna við vegarbrún nr. 94 skammt frá Ketilsstöðum í Hjaltastaðaþinghá. Kjarval dvaldi þarna í tjaldi í tvö ár í kringum 1948. En bóndinn gaf honum skikann og reisti kofann. Þarna dvaldi Kjarval oft og málaði margar af frægustu myndum sínum. Þetta er eina fasteignin sem Kjarval átti. Þarna er líka bátaskýli fyrir Mávinn, bát sem Kjarval sigldi eitt sinn niður Selfljótið til Borgarfjarðar.

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur