Leita
Finnur þú það ekki? Prófaðu leitina :)

Hvammsgerði B&B

Hvammsgerði við Selá stendur við veg 85 í innan við 9 km fjarlægð frá Vopnafirði og í nágrenni við hina rómuðu Selárdalslaug (5km). Boðið er upp á gistingu í 6 herbergjum, 2-4ja manna með handlaug og uppábúnum rúmum með handklæðum. Tvær snyrtingar sameiginlegar með sturtu og hárþurrku. Góður morgunverður daglega með nýjum eggjum af búinu. Komið og njótið sveitasælunnar við lækjarnið á bökkum Selár.

Vinsamlegast bókið gistingu á www.hvammsgerdi.is eða hafið samband í tölvupósti.

Hvammsgerði B&B

Hvammsgerði 1

GPS punktar N65° 49' 40.608" W14° 50' 23.741"
Gisting 6 Herbergi / 16 Rúm
Opnunartími 01/05 - 31/10
Þjónusta Svefnpokapláss Hótel / gistiheimili Aðgangur að interneti Tekið við greiðslukortum

Hvammsgerði B&B - ferðaupplýsingar

Úr gagnagrunni Ferðamálastofu Íslands

Aðrir

Helgi Þorsteinsson
Gönguferðir
  • Ytri-Nýpur
  • 690 Vopnafjörður
  • 893-1437
BergEy Travel
Ferðasali dagsferða
  • Skálanesgata 4
  • 690 Vopnafjörður
  • 844-1153
Náttúra
12.05 km
Sandvík

Sandvík er mikil og svört sandströnd innst í Vopnafirði. Ströndin er fjölskyldupardís, gerð af náttúrunnar hendi. Þar má tína skeljar, fá sér göngutúr, skoða fuglana, byggja sér sandkastala eða hvað sem hugurinn girnist.

Fyrir miðri ströndinni strandaði flutningaskipið Mávurinn 2. október 1981. Mannbjörg varð en enn má sjá glitta í skipsflakið.

Aðgengi að Sandvík hefst við vegslóða sem liggur niður að víkinni innan við golfvöllinn.

Við hvetjum alla til að fara mjög varlega í fjörunni. Sjórinn getur verið hættulegur og má ekki láta börn vera eftirlitslaus. Þá á Hofsá það til að flæða yfir sandinn á vorin. Þar af leiðandi gætu myndast kviksyndi á sandinum.

Farið að öllu með gát, berum virðingu fyrir náttúrunni og þeim hættum sem þar kunna að leynast.

GPS: 65.735784 - 14.857769

Náttúra
23.11 km
Gljúfurárdalur

Gljúfurárdalur er í Vopnafirði vestan Hellisheiðar. Um dalinn er gönguleið frá þjóðvegi niður að sjó að Krumsholti. Skammt neðan þjóðvegar fellur Neðrifoss, tilkomumikið vatnsfall, og er búið er að reisa útsýnispall gegnt honum. Þaðan liggur stikuð gönguleið um Drangsnes þar sem Þorsteinn uxafótur bjó á 10. öld en frá honum segir í samnefndum þætti. Á nesinu er að finna tóftir verbúða og nausts í þessari náttúrulegu höfn. Skammt frá er svo Krumsholt sem þekktast er vegna mannlýsinga úr þætti Þorsteins uxafótar.

Hápunktar
7.75 km
Múlastofa

Í Múlastofu, Kaupvangi á Vopnafirði, er að finna sýningu um líf og list Jóns Múla og Jónasar Árnasona en þeir bræður voru þjóðkunnir fyrir söngleikjasmíð sína, tónsköpun og yrkingar. Þeir andans bræður voru fæddir Vopnfirðingar og þótti ávallt vænt um tengsl sín við sveitarfélagið. Setrið - sem Magnús Már Þorvaldsson leiddi f. h. sveitarfélagsins og hannað er af Birni G. Björnssyni sýningarhönnuði - er stærsta menningarverkefni sem Vopnafjörður hefur ráðist í fyrr og síðar. Í tengslum við það er haldin árleg menningarhátíð, Einu sinni á ágústkvöldi.

Náttúra
22.27 km
Þverárgil

Þverárgil er einstaklega fallegt þar sem sjá má litríkt líparít, súrt innskotsberg frá gamalli megineldstöð sem stingur skemmtilega í stúf við annars dökkt basískt umhverfi Smjörfjallanna fyrir ofan gilið. Fuglalíf á þessu svæði er mikið sérstaklega íslenskir mófuglar. Úsýnið er stórfengilegt yfir Hofsárdalinn og á haf út.

Gönguleiðin er um tveggja klukkustunda löng og liggur aðeins uppá við. Því setjum við tvo skó á erfiðleikastig göngunnar.

Upphafsreitur göngunnar er við veg 919, Sunnudalsveg.

Powered by Wikiloc
Náttúra
23.66 km
Gljúfursá

Gjúfursárfoss fellur fram í litfögru gljúfri rétt fyrir neðan bílastæðið. Þaðan er svo merkt gönguleið er niður með Gljúfursánni, niður að sjó, um Drangsnes.

Að ganga meðfram þverhníptum klettunum er mikil upplifun og lætur fáa ósnortna. Gönguleiðin nær að Krummsholti. Þar eru velsjáanlegar ævafornar tóftir, frá víkingaöld að því að talið er. Þar á Þorsteinn uxafótur að hafa búið. Þegar maður virðir fyrir sér þessar mannvistarleyfar læðist að manni sú ósk að jörðin gæti talað og flutt okkur sögur forfeðranna.

Hinumegin fjarðarins má sjá kauptún Vopnfjarðar sem stendur á tanga sem sagar út í fjörðinn. Tanginn er kallaður Kolbeinstangi.

Áin Gljúfursá var á fyrri tíð mikill farartálmi þegar ferðast þurfti austur fyrir Hellisheiði eystri. Mörg slys urðu þegar fólk var að reyna að þvera hana fótgangandi eða á hestum. Ef gengið er frá bílastæði upp með ánni er komið að gömlu brúnni yfir Gljúfursá. Þar má sjá hleðslur frá fyrstu brúnni sem var byggð yfir ána, rétt um aldamótin 1900 og þótti þá mikið mannvirki.

Sagt er að fyrsta brúin yfir ána hafi verið byggð í kjölfar banaslyss sem þar átti sér stað þegar maður á hesti freistaði þess að komast yfir ána að vetri til.

Náttúra
5.00 km
Fuglabjargarnes

Fuglabjargarnesið er á Náttúruminjaskrá Íslands vegna fagurrar og fjölbreyttrar strandar og mikils fuglalífs. Gengið er í fjörunni niður á nesið þar sem taka við þverhnýt björg beint niður í sjó, steindrangar sem gnæfa upp úr sjónum, gróðursæl víðátta og víðsýni yfir opið hafið. Upplifun í íslenskri náttúru eins og hún gerist best.

Aðrir

Handverkshópurinn Nema-Hvað
Söfn
  • Hafnarbyggð 7
  • 690 Vopnafjörður
  • 473-1565
Bókasafn Vopnafjarðar
Bóka- og skjalasöfn
  • Lónabraut 12
  • 690 Vopnafjörður
  • 470-3253
Vopnafjörður - Saga og menning
Söguferðaþjónusta
  • Hafnarbyggd 4a
  • 690 Vopnafjörður
  • 473-1331

Aðrir

Hótel Tangi
Hótel
  • Hafnarbyggð 17, Vopnafjörður
  • 690 Vopnafjörður
  • 473-1203 , 845-2269
Kaupvangskaffi
Kaffihús
  • Hafnarbyggð 4
  • 690 Vopnafjörður
  • 473-1331, 662-3588
Ollasjoppa
Veitingahús
  • Kolbeinsgata 35
  • 690 Vopnafjörður
  • 473-1803

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur