Leita
Finnur þú það ekki? Prófaðu leitina :)

Ferðafélag Fljótsdalshéraðs/FÍ - Breiðuvíkurskáli

Upplýsingar um svæðið er að finna á heimasíðu ferðamálahóps Borgarfjarðar

. Gistirými: 33 svefnpokapláss
. Sími: Enginn
. GPS: N65°27.830-W13.40.286
. Annað: Timburkamína til upphitunar. Gashellur til eldunar. Vatnssalerni. Sturta. Tjaldstæði, kolagrill en ekki kol.
. Ath: Skálinn er læstur á veturna en sjálfboðaliðar vinna við gæslu á sumrin.

3250_1___Selected.jpg
Ferðafélag Fljótsdalshéraðs/FÍ - Breiðuvíkurskáli

Tjarnarás 8, 700 Egilsstaðir

154

GPS punktar N65° 27' 49.599" W13° 40' 17.224"
Sími

863-5813

Gisting 33 Svefnpokar
Opnunartími 25/06 - 06/09
Þjónusta Almenningssalerni Svefnpokapláss Tjaldsvæði Eldunaraðstaða Sturta

Ferðafélag Fljótsdalshéraðs/FÍ - Breiðuvíkurskáli - ferðaupplýsingar

Úr gagnagrunni Ferðamálastofu Íslands

Aðrir

Skálanes Náttúru- og Menningarsetur
Ferðasali dagsferða
  • Suðurgata 2
  • 710 Seyðisfjörður
  • info@skalanes.com
Kayhike
Dagsferðir
  • Fjarðarborg
  • 720 Borgarfjörður eystri
  • 869-2159
Náttúra
17.88 km
Brimnes

Brimnes skagar fram í fjarðarmynni á norðurströnd Seyðisfjarðar. Um 10 km. akstur er frá miðbæ kaupstaðarins út að bóndabænum Selsstöðum. Þaðan liggur 5,5 km. gönguleið eftir gömlum jeppaslóða. Á öldum áður stóð á Brimnesi ein öflugasta útgerð sem fyrirfannst á Austfjörðum. Þar má enn líta tóftir gamalla bygginga í einstaklega fallegu umhverfi. Á nesinu er einnig viti. Gönguferð í góðu veðri er þeim ógleymanleg sem hana upplifa.

Saga og menning
9.07 km
Álfaborg

Álfaborg rétt hjá þorpinu Bakkagerði í Borgarfirði Eystri er heimkynni drottningar álfanna á Íslandi. Margar sögur fara af kynnum álfa og heimamanna. Margir staðir eru líka tengdir sögnum um samskipti álfa og manna, s.s. Kirkjusteinn sem er kirkja álfanna í Borgarfirði eystri.

Náttúra
6.88 km
Brúnavík

Brúnavík er næst sunnan Borgarfjörður Eystri ; fögur og þægileg dagleið, alls 12 km. fram og til baka á Borgarfjörð. Þá er farið frá sjónvarpsmastri á Ölduhamri og um Brúnavíkurskarð (360 m) austan Geitfells. Nokkuð bratt er niður að bæjarstæðinu og vaða eða stikla þarf ána, sé farið út á sandinn fyrir botni víkurinnar. Það er samt þess virði því fjaran er einstaklega litfögur. Til baka er gengið inn víkina, hvoru megin ár sem óskað er, inn að Brotagili en þar skammt frá er göngubrú yfir ána. Frá Brotagili er genginn vegslóði yfir Hofstrandarskarð (320 m). Þessi ganga tekur 5-6 klst. eftir vörðuðum leiðum og vegslóða.

Powered by Wikiloc
Náttúra
24.60 km
Kóreksstaðavígi

Kóreksstaðavígi er fallegur stuðlabergsstapi. Þar á Kórekur að hafa varist óvinum sínum um stund áður en hann féll. Hann var heygður við Vígið. Ekið er framhjá félagsheimilinu Hjaltalundi og síðan afleggjarann að Kóreksstöðum. Stoppað við bílastæði og skilti rétt hjá hliðinu heim að Kóreksstöðum. Gengið út eftir að Kóreksstaðavígi. Hólkur með gestabók og stimpli blasir við þegar komið er gangandi að Víginu. Gaman er að fara upp á Kóreksstaðavígi.

Kóreksstaðavígi er hluti af Perlum Fljótsdalshéraðs.

GPS : N65°32.782-W14°10.591

Powered by Wikiloc
Náttúra
18.90 km
Skálanes

Skálanes er náttúruparadís við mynni Seyðisfjarðar. Fær vegur er nær alla leið en óbrúuð á er á leiðinni. Þegar að Skálanesi er komið gefst færi á að komast í kynni við náttúruna í návígi, sérstaklega fuglalífið, þar sem þúsundir fugla af um 40 mismunandi tegundum verpa á svæðinu.

Náttúra
24.83 km
Sjö Tindar

Aðgengilegt yfir sumartímann.

Með því að klífa sjö fjallatinda við Seyðisfjörð, -flesta vel yfir 1000 m. á hæð - gefst fólki kostur á að gerast "Fjallagarpar Seyðisfjarðar". Fjöllin eru: Sandhólatindur, Bjólfur, Nóntindur, Hádegistindur, Strandartindur, Snjófjall og Bægsli. Gestabækur og stimplar eru á toppi fjallana. Nánari upplýsingar og stimpilkort fást í upplýsingamiðstöðinni í Ferjuhöfninni, Einnig eru upplýsingar á www.seydisfjordur.is

Náttúra
15.76 km
Stórurð

Frá Vatnsskarði, á leiðinni til Borgarfjörður Eystri, er gengið í Stórurð sem er ein hrikalegasta náttúrusmíð á Íslandi. Í urðinni er einstök náttúra, sléttir grasbalar, hrikalegir grjótruðningar, steinblokkir, sumar tugir metra á hæð, fagrar tjarnir og sérstakur gróður. Ganga í Stórurð er einstök upplifun og best er að hefja hana uppi á Vatnsskarði, ganga inn eftir fjallasyrpunni og til baka neðri leiðina út í Ósfjall (um 16 km.). Einnig er hægt að halda áfram til Borgarfjarðar norðan eða sunnan Dyrfjalla. Í Stórurðargöngu þarf heilan dag til að njóta svæðisins að verðleikum. Gestabók er í Urðinni.

Powered by Wikiloc

Náttúra
6.47 km
Urðarhólar

Í Afrétt, innst í Borgarfjörður Eystri, er fallegt framhlaup. Þangað liggur stikuð, um 3 km. létt gönguleið. Gengið er framhjá fallegu vatni, Urðarhólavatni. Ánægjulegt er að ganga um framhlaupið, þar sem skiptast á hólar og tjarnir, og lengja þannig gönguna að vild.

Saga og menning
22.74 km
Dvergasteinn

Dvergasteinninn stendur í flæðamálinu neðan við samnefnda jörð á norðurströnd Seyðisfjarðar er fyrrum var kirkjustaður. Þjóðsagan um Dvergastein og ferðalag hans yfir fjörðinn á eftir kirkjunni, þegar hún var flutt frá suðurströndinni norður yfir fjörðinn, er landskunn. Steinninn er sérkennilegur að lögun og stingur í stúf við umhverfið.Hann er auðfundinn og aðgengi gott.

Saga og menning
16.13 km
Njarðvíkurskriður og Naddi

Áður en vegur var lagður milli Njarðvíkur og Borgarfjarðar eystra árið 1949, var einvörðungu unnt að fara þar á milli fótgangandi eða á hestbaki. Í skriðurótunum hélt sig skrímsli sem nefnt var Naddi. Var það í mannsmynd ofan mittis en í dýrslíki að neðan. Olli Naddi vegfarendum mörgum skráveifum og aldurtila. Að endingu tókst bónda nokkrum að fyrirkoma Nadda og hrinda honum í sjó fram.
Í framhaldi var reistur kross í skriðunum og hefur trúartákn staðið þar síðan eða allt frá árinu 1306 eða þar um það bil.

Náttúra
15.74 km
Innra Hvannagil

Innra Hvannagil er í Njarðvík við Borgarfjörð eystra og hægt er að aka alveg að gilinu. Frá bílastæði er gengið er um 100 m. upp með ánni, upp fyrir berggang sem byrgir útsýn inn í gilið. Þar opnast ævintýraheimur. Fallegar bergmyndanir eru í gilbörmunum og botn árinnar er mjög sérstakur á flúðum í gilinu.

Saga og menning
9.21 km
Bakkagerðiskirkja

Skammt frá Álfaborgini frægu í útjaðri þorpsins stendur Bakkagerðiskirkja er vígð var árið 1901. Altaristafla kirkjunar er verk hins kunna listmálara Jóhannesar S. Kjarvals frá árinu 1914.og er fjallræða Krists viðfangsefni hennar. Þetta er eitt af þekktustu verkum hans og dregur að fjölda ferðamanna á hverju ári.

Saga og menning
20.95 km
Unaós

Unaós er kenndur við Una Garðarsson landnámsmann, en Landnáma segir hann hafa tekið land í ósnum. Landnám hans náði alla leið að Unalæk. Uni lagði skipi sínu að hamri sem er innar við Selfljót og heitir Knörr. Við ströndina við ósa Selfljóts er Krosshöfði og við hann Óshöfn sem varð löggild höfn árið 1902. Var vörum skipað þar upp uns bílfær vegur var lagður til Borgarfjarðar eystri árið 1950. Þurfti ládauðan sjó og háflæði til að uppskipun væri kleif. Fróðlegt er að koma að Unaósi og skoða sig um. Góðar gönguleiðir eru í nágrenninu t.d. merkt gönguleið í Stapavík.

Náttúra
6.84 km
Víknaslóðir, Brúnavík, Breiðuvík,

Víknaslóðir eru eitt best skipulagða göngusvæði landsins. Síðastliðin 15 ár hafa heimamenn á Borgarfirði eystra staðið fyrir merkingu gönguleiða og útgáfu vandaðs gönguleiðakorts. Í 6 útgáfu er meðal annars merkt við erfiðleikastuðul leiða og því auðvelt að velja sér gönguleiðir fyrir dagsferða eða lengri ferða. Fjölbreytt þjónusta er við göngufólk svo sem ferðaskipulag, gisting, leiðsögn, flutningar (trúss) og matsala og 3 vel búnir gönguskálar FFF er að finna í Loðmundarfirði, Húsavík og Breiðuvík.

Náttúra
21.99 km
Dalatangi

Leiðin út á Dalatanga liggur eftir mjóum slóða sem fikrar sig út eftir Mjóafirði. Ekið er meðfram skriðum og hamrabrúnum, framhjá fossum og dalgilum. Er Dalatangi birtist, er því líkast sem sé maður staddur á eyju inn í landi. Austar er ekki hægt að aka. Við Dalatangavita opnast mikið útsýni til norðurs allt að Glettingi og inn í mynni Loðmundarfjarðar og Seyðisfjarðar.
Vitarnir tveir sem standa á Dalatanga eiga sér merka sögu, sá eldri reistur að frumkvæði norska útgerðar- og athafnamannsins Ottos Wathne 1895. Hann er hlaðinn úr blágrýti og steinlím á milli. Yngri vitinn sem er enn í notkun, reistur 1908. Á Dalatanga er fallegt býli og túnjaðrar býlisins nema við sjávarbrúnir. Við bæjarhúsin er skrúðgarður og gróðurhús.

Náttúra
13.49 km
Dyrfjöll

Dyrfjöll eru ein af perlum Austurlands. Fjöllin eru þekkt fyrir stórt skarð í miðju fjallgarðsins sem eru eins og risastórar dyr og draga fjöllin nafn sitt af þessu skarði. Það er erfið ganga upp á topp Dyrfjalla og ættu aðeins vanir göngumenn að leggja í ferðu upp á toppinn. Hægt er að fá leiðsagnar vanra fjallaleiðsögumanna upp á topp ef þess sé óskað.

Útsýnið af toppnum er stórkostlegt og sést meðal annars mjög vel yfir hina fallegu náttúruperlu Stórurð þaðan.

Powered by Wikiloc
Náttúra
11.81 km
Kúahjalli og Hrafnatindur

Ein af merktu gönguleiðunum við Bakkagerðisþorp á Borarfirði Eystra liggur upp á Kúahjalla og Hrafnatind ofan við þorpið. Gengið er upp með Bakkaá og þaðan á Hrafnatind en frá honum er einstakt útsýni yfir þorpið og Borgarfjörð allan. Áfram er gengið út Kúahjalla og niður að minnisvarða Kjarvals við Geitavík. Gangan tekur um 3 klst. og liggur hæst í 350 m. hæð. Skammt ofan við minnisvarðann er stígur að rústum smalakofa Kjarvals undir Kúahjalla.

Náttúra
9.52 km
Hafnarhólminn

Við smábátahöfnina í Borgarfirði Eystra er "Hafnarhólmi",svæði sem hentar sérdeilis vel til fuglaskoðunar. Heimamenn hafa gert Hafnarhólmann vel úr garði og eru upplýsingar til reiðu um þá fugla sem sjá má. Hvergi á Íslandi er eins auðvelt að komast í návígi við lunda. Sjálfur er hólminn og leiðin þangað augnayndi. Kríuvarp er þar með mesta móti og líf í höfninni er bátarnir leggja að eða frá.

Náttúra
20.44 km
Stapavík

Við Unaós er Stapavík, fögur vík norðan Héraðssanda, kærkomin lending fyrrum í hafnleysu Héraðsflóa. Þar var fyrrum verslunarhöfn. Í Stapavík liggur vörðuð leið frá þjóðveginum, u.þ.b. klukkutíma ganga er hvora leið.

Powered by Wikiloc

Aðrir

Já sæll - Grill og bar
Veitingahús
  • Fjarðarborg
  • 720 Borgarfjörður eystri
  • 472-9920

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur