Austurland

Leita
Finnur þú það ekki? Prófaðu leitina :)

HEIMAMENN MÆLA MEÐ

Fréttir

VIÐBURÐIR

Sjá viðburðadagatal

Austurland - Fullkomin kyrrð

Forsíða

Helllo

Fáskrúðsfjörður

Fáskrúðsfjörður er vel í sveit settur í hjarta Austfjarða. Næstur honum til norðurs er Reyðarfjörður og skilur Vattarnes á milli með illræmdum skriðum sínum. Sunnan við er Stöðvarfjörður og skilur Kambanes í millum. Eyjan Skrúður í fjarðarmynninu er nafngjafi fjarðarins. Fáskrúðsfjörður byggir afkomu sína að mestu á sjávarútvegi og þjónustu og hefur atvinnulíf blómgast með tilkomu ganganna og stækkun atvinnusvæðis. Kauptúnið Búðir býr að mörgum fallegum gömlum húsum og snyrtilegu umhverfi. Í daglegu tali er Fáskrúðsfjörður nefndur "franski bærinn" og götuskilti eru á frönsku og íslensku. Tengingin við Frakkland á rót að rekja til veiða franskra sjómanna undan Austfjörðum. Frakkar reistu spítala, kapellu og skammt frá bænum er að finna kirkjugarð franskra sjómanna. Halda bæjarbúar "franska daga" síðustu helgina í júlí ár hvert.

Stórurð

Frá Vatnsskarði, á leiðinni til Borgarfjarðar eystri , er gengið í Stórurð sem er ein hrikalegasta náttúrusmíð á Íslandi. Í urðinni er einstök náttúra, sléttir grasbalar, hrikalegir grjótruðningar, steinblokkir, sumar tugir metra á hæð, fagrar tjarnir og sérstakur gróður. Ganga í Stórurð er einstök upplifun og best er að hefja hana uppi á Vatnsskarði, ganga inn eftir fjallasyrpunni og til baka neðri leiðina út í Ósfjall (um 16 km.). Einnig er hægt að halda áfram til Borgarfjarðar norðan eða sunnan Dyrfjalla. Í Stórurðargöngu þarf heilan dag til að njóta svæðisins að verðleikum. Gestabók er urðinni.

Hallormsstaðaskógur

Hallormsstaðarskógur er víðáttumesti skógur landsins. Hann liggur meðfram Lagarfljóti (Leginum) að austanverðu. Árið 1903 hófust þar tilraunir með plöntun erlendra trjáa en stórfelld ræktun hófst fyrst eftir 1950. Nú hafa verið gróðursettar í Hallormsstaðarskógi um 50 tegundir erlendra trjáa frá 177 mismunandi stöðum. Elsti lerkilundurinn var gróðursettur árið 1938 og heitir Guttormslundur, kenndur við Guttorm Pálsson sem var skógarvörður á Hallormsstað í 46 ár. Atlavík er innarlega í skóginum en við hana er vinsælt tjaldsvæði. Í Hallormsstaðarskógi hefur nú fjölmargt verið gert til að gera ferðafólki svæðið aðgengilegt, m.a. hafa verið lagðir göngustígar um skóginn auk þess sem opnað hefur verið trjásafn í gróðrarstöðinni Mörkinni sem enginn ætti að láta fram hjá sér fara á ferð um Austurland.

Helgustaðanáma

Silfurbergsnámuna í Helgustaðalandi er að finna á leiðinni frá Eskifirði til Vöðlavíkur og liggur göngustígur upp að henni. Hún er ein frægasta silfurbergsnáma í heimi. Þar var silfurberg numið úr jörðu frá 17. öld fram á fyrri hluta 20. aldar.
Helgustaðanáman er nú friðlýst sem náttúruvætti.
Silfurberg kallast sérlega tærir kristallar af steindinni kalsít. Enskt heiti silfurbergs er Iceland spar og er eitt fárra fyrirbæra úr ríki náttúrunnar sem kennt er við Ísland. Frá Helgustaðanámu er runnið megnið af því silfurbergi sem er að finna á söfnum víða um heim. Einkennandi fyrirsilfurbergskristalla á þessum stað er stærð þeirra, gegnsæi og tærleiki.Silfurbergið var notað í ýmis tæki, s.s. smásjár, áður en gerviefni komu til.

Fylgdu okkur á Instagram@visiteasticeland

Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Fljótsdalshérað Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur
Vestfirðir Vesturland Norðurland Austurland Suðurland Reykjanes Höfuðborgarsvæðið

HVAÐ HEFUR ÍSLAND MEIRA UPPÁ AÐ BJÓÐA?

Ísland hefur upp á margt að bjóða og hver landshluti hefur sína sérstöðu hvort sem um er að ræða áhugaverða áfangastaði, einstök náttúrufyrirbrigði, mannlíf eða þjónustu. Gefðu þér tíma til að skoða hvað önnur svæði hafa uppá að bjóða og skipulegðu ferðina með okkar aðstoð.