Dagar myrkurs

Dagar myrkurs er sameiginleg byggðahátíð íbúa á Austurlandi sem hefur það meginmarkmið að efla samveru, samfélagslega tengingu og samheldni ásvæðinu. Hátíðin fer fram í upphafi vetrar og sækir innblástur í rótgróin hátíðarhöld sem tengjast þessum árstíma allt frá fornu fari. Þótt hátíðin sé fyrst og fremst ætluð íbúum Austurlands er öllum áhugasömum boðið að takaþátt. Íbúar, fyrirtæki og stofnanir eru hvött til að standa fyrir fjölbreyttumviðburðum, með sérstakri áherslu á fjölskyldur og börn.Hátíðin stendur yfir í heila viku í lok október og/eða byrjun nóvember. Hún er haldin í tengslum við fyrsta vetrardag, sem ber alltaf upp á tímabilinu 21.–28.október, og fellur hrekkjavaka, 31. október, innan hátíðartímans.

 

Á þessum tíma árs héldu norrænir menn til forna umfangsmikil hátíðarhöld, svo sem veturnætur og dísablót, sem mörkuðu tímamót þegar sumar vék fyrir vetri.Talið var að skilin milli heima væru óljós á þessum árstíma og að handanheimar væru nær, þar sem draugar og huldufólk gátu látið á sér kræla. Með kristnitökunni færðust þessi hátíðarhöld yfir á 1. nóvember og urðu þekkt sem allraheilagramessa. Í öðrum löndum, meðal annars á Írlandi og í Skotlandi, þróuðust sambærilegar hátíðir þar sem minning látinna var í forgrunni. Síðar bárust þessir siðir til Norður-Ameríku með innflytjendum og lifa í dag áfram í þeirri mynd sem þekkt er sem hrekkjavaka.

Dagar myrkurs eru nútímaleg útfærsla á þessum aldagömlu hefðum og marka formlega upphaf vetrar. Með hátíðinni er sumrinu þakkað og veturinn boðinn velkominn. Myrkrið, hið yfirnáttúrulega, rómantík og fornir siðir eru höfð í öndvegi með fjölbreyttum hætti. Lykiláhersla er lögð á virka þátttöku íbúa, þar sem frumkvæði að viðburðum og samveru sprettur fyrst og fremst úr samfélaginu sjálfu.