Eða prófaðu að leita eftir flokki og/eða staðsetningu
Hér er að finna útgefið efni sem gagnast samstarfsaðilum Áfangastaðarins Austurlands.
Hafir þú áhuga á að koma þínu fyrirtæki inn í samstarfsaðilanetið okkar getur þú sent inn umsókn með því að smella hér.
Nánari upplýsingar um hvað felst í samstarfi við áfangastaðinn má finna á vef Austurbrúar.
Áfangastaðaáætlun Austurlands 2026-2029 tekur mið af aðgerðaráætlun og áherslum frá árunum 2022-2025 og styður við framtíðarsýn um Austurland sem eftirsóknarverðan, sjálfbæran og fjölbreyttan áfangastað allt árið. Hún er unnin í samstarfi við sveitarfélög, fyrirtæki, íbúa og aðra hagsmunaaðila á svæðinu og markmið hennar er að gera Austurland að ákjósanlegum stað til að búa á og heimsækja.
Destination Guide er örkynning á Austurlandi sem dregur fram sérstöðu landshlutans, helstu áfangastaði, afþreyingu og upplifun. Efnið er sérstaklega hentugt til notkunar á ferðasýningum, vinnustofum og öðrum viðburðum þar sem mikilvægt er að miðla miklum og fjölbreyttum upplýsingum á skýran og aðgengilegan hátt á stuttum tíma.
Leiðarvísirinn er gefinn út bæði í sumar og vetrarútgáfu og veitir góða yfirsýn yfir það sem Austurland hefur upp á að bjóða á ólíkum árstímum.
Í myndabankanum er að finna fjölbreytt úrval mynda frá Austurlandi. Samstarfsaðilar eru hvattir til að nýta myndefni frá landshlutanum í sitt markaðsefni og stuðla þannig að sterkri og samræmdri ímynd Austurlands. Gæta þarf þess að geta heimilda þegar myndir úr myndabankanum eru notaðar.
Þú getur sótt um aðgang að myndabankanum hér.
Leiðarljós samskipta byggir á leiðarljósi vörumerkisins. Það skýrir á hvaða hátt við viljum lýsa Austurlandi, bæði í rituðu máli og sjónrænt.
Austurlandskortið er gefið út á tveggja ára fresti (næsta útgáfa 2027) og dreift frá Höfn, um allt Austurland og norður á Akureyri. Ferðaþjónustuaðilar geta nálgast eintök í Héraðsprenti á Egilsstöðum.
Námskeið fyrir starfsfólk í ferðaþjónustu
Útbúin hafa verið þrjú rafræn námskeið sem ætluð eru starfsfólki í ferðaþjónustu; gæði í upplýsingagjöf, almenn þekking á Austurlandi og móttaka gesta. Námskeiðin eru á íslensku og ensku og eru aðgengileg samstarfsaðilum að kostnaðarlausu. Nánari upplýsingar á vef Austurbrúar.
Hér getur þú sótt logo Austurlands í mismunandi útfærslum fyrir vef og prent. Vinsamlegast kynnið ykkur vörumerkjahandbókina áður.
Okkur er annt um vörumerkið Austurland* og óskum eftir að samstarfsaðilar kynni sér reglur og viðmið um notkun þess.
Vörumerkjahandbók ætluð matvælaframleiðendum og öðrum framleiðendum sem vilja merkja vörur sínar Austurlandsstjörnunni.
Okkur er annt um vörumerkið Austurland* og óskum eftir að samstarfsaðilar kynni sér reglur og viðmið um notkun þess.
