Ferðasögur

Veturinn er tilvalinn tími til að skella sér á Austurland og breyta um umhverfi. Utan háannatíma tekur svæðið á sig rólegri og notalegri stemningu þar sem ferðalagið sjálft verður hluti af upplifuninni. Á Austurlandi er auðvelt að sameina hreyfingu og slökun. Skíðasvæðin bjóða upp á rólega og aðgengilega skíðaupplifun, á meðan heitar laugar, sundlaugar og heilsulindir veita fullkomið mótvægi eftir dag úti í vetrarlandslaginu.

Austurland er sannkölluð gönguparadís og státar af einhverjum af fjölbreyttustu og stórfenglegustu landsvæðum Íslands. Hér má finna stórbrotnar strandlínur, djúpa dali, tignarleg fjöll og friðsælar slóðir sem bjóða upp á ógleymanlegar náttúruupplifanir. Yfir 600 km af merktum gönguleiðum tryggja að allir geti fundið eitthvað við sitt hæfi, hvort sem leitað er að léttum göngutúr, lengri dagsgöngu eða krefjandi margra daga ævintýri.

Þú veist þetta kannski nú þegar en við á Íslandi verðum við ansi spennt fyrir sumrinu!

Á alþjóðlegum degi skóga fögnum við ekki aðeins skóglendi heimsins heldur einnig einu af dýrmætustu náttúrusvæðum Íslands – Hallormsstaðaskógi. Skógurinn stendur við austurströnd Lagarfljóts, nærri Egilsstöðum, og er stærsti þjóðskógur landsins. Hann er lifandi tákn um náttúruvernd, líffræðilegan fjölbreytileika og vaxandi virðingu fyrir skógum á Íslandi.

Austurland Freeride Festival er einstök fjallaskíða- og snjóbrettahátíð á Austurlandi sem sameinar ævintýri, menningu og samfélag. Þar sem hátíðin hefst á morgun, 7. mars, ræddum við við Steve Wall, ástralskan fjallaskíðakappa sem fann bæði ævintýrið – og ástina – á Íslandi.

Austurland býður upp á einstaka upplifun yfir jólahátíðina, þar sem náttúran, sagan og menningin sameinast í ógleymanlegri hátíð. Þó að jólin á Íslandi séu um allt land hátíðleg og heilanndi, er Austurland einstakur áfangastaður fyrir þá sem vilja upplifa jól í sérstakri umgjörð.

Menningarlíf á Austurlandi er líflegt allt árið en á sumrin blómstrar það bókstaflega! Hér er ítarleg umfjöllun - en þó ekki tæmandi - um viðburði, söfn, sýningar og fleira í austfirsku menningarsenunni, sem er hreinasti óþarfi að láta fram hjá sér fara á ferð um landshlutann í sumar.

Sólin skín fyrir austan. Það er vart að hún setjist, og þér finnst ef til vill rétt að nýta alla þessa dagsbirtu. Austurland er rétti staðurinn til þess.

Koma lundans er einn af þessum ljúfu vorboðum á Íslandi og dregur hann fjölda ferðamanna til Austurlands ár hvert. Óhætt er að fullyrða að hvergi er betri staður til að skoða lundann og fleiri sjófugla en í Hafnarhólma á Borgarfirði eystra.

Bjóráhugi landans hefur heldur betur aukist á undanförnum árum með opnun handverksbrugghúsa um landið allt og hafa íbúar Austurlands og gestir svo sannarlega fengið að njóta þess. Hér fyrir austan eru starfandi þrjú handverksbrugghús sem leyfa hugmyndauðgi og forvitni að ráða för í framleiðslunni. Staðbundið hráefni, hvort sem það eru villtar austfirskar jurtir eða íslenskt wasabi – jú eða örnefni landshlutans, sem drykkirnir draga nafn sitt gjarnan af, gera þessa göróttu austfirsku drykki einstaka.

Haustið er komið með sínum mögnuðu litum, norðurljósin dansa á himnum og fjallstindar eru farnir að hvítna. Á Austurlandi hitum við kakóið og hugum að ævintýrum vetrarins sem eru ekki síðri en sumarævintýrin.

Ein af perlum Austurlands er Seyðisfjörður, listrænn og litríkur bær sem er þekktur fyrir afslappað og skemmtilegt andrúmsloft. Margir þekkja Regnbogagötuna, hafa prófað eða heyrt af spennandi veitingastöðum og fjölda gönguleiða í firðinum. Á hverju ári standa íbúar einnig fyrir viðburðum og hátíðum sem enginn ætti að láta fram hjá sér fara.