Farfuglaheimili

Tehúsið Hostel er staðsett í miðsvæðis á Egilsstöðum. Gestir hafa aðgang að fullbúnu eldhúsi og hægt er að slaka á í gestastofum. Ókeypis WiFi er til staðar. Á hostelinu er lögð áhersla á umhverfismál og sanngjörn viðskipti (Fair trade). Allt sorp er flokkað. Okkar gildi eru gleði, sjálfbærni og heiðarleiki. Gott kaffihús og bar er á Hostelinu sem bíður upp á Te, Kaffi og heimabakað meðlæti. Barinn er með eitt mesta úrval af bjór á Austurlandi. Farfuglaheimilið býður upp á einföld, snyrtileg, herbergi með góðum rúmum. Bæði í svefnskálum og privat. Baðherbergisaðstaða er sameiginleg. Rúmfatnaður og handklæði eru til staðar. Gististaðurinn er staðsettur miðsvæðis við hlið tjaldsvæðis Egilsstaða og upplýsingaveitu. Hægt er að panta morgunverð sem m.a. felur í sér staðbundið góðgæti.

Gistiheimili Hjá Marlín , Vallargerði 9, Reyðarfjörður, getur hýst allt að 25 gesti, í einsmanns, 2ja manna, 3ja manna og 4ra manna herbergjum. uppbúin rúm, herbergi með einkabaðherbergi. Húsið er með fullbúin eldhús og setustofur. Morgunverðarþjónusta er í boði . Vinsamlegast hafið samband vegna verðlista og bókana.bakkagerdi@simnet.is www.hjamarlin.is 

Berunes er vel í sveit sett á norðurströnd Berufjarðar og þaðan er fögur sjávarsýn. Bærinn er í næsta nágrenni við þjóðveg nr. eitt og býður upp á gistirými fyrir 45 manns. Gisting býðst jafnt í gamla íbúðarhúsinu sem í nýrra húsnæði og þremur frístandandi smáhýsum. Morgunverður í boði í júní, júlí og ágúst.  Við Farfuglaheimilið Berunes er tjaldstæði, vel gróið og skjólsælt.Tvö svæði, annað hugsað fyrir litlu tjöldin, en hitt fyrir ferðavagna. Félagsmenn í félagi húsbílaeigenda fá afslátt af gistigjöldum. Salerni, sturta, pláss að elda inni, rafmagn og á Farfuglaheimilinu er ýmis þjónusta í boði og bent er á www.hostel.is/hostels/berunes-hi-hostel til að fá frekari upplýsingar. Vinsamlegast athugið eftirfarandi: Tjaldstæðið opnar 15. apríl og lokar 15. október. Verð á tjaldstæði:  Almennt verð 1800, en 200 kr. afsláttur fyrir eldri borgara og félagsmenn í húsvagnafélaginu.  Frítt fyrir 12 ára og yngri. Morgunverður á opnunartíma. Hundar leyfðir en aðeins í smáhýsum. Allar frekari upplýsingar fúslega veittar á neti eða síma.

Farfuglaheimilið Hafaldan býður uppá gistingu í tveimur húsum á Seyðisfirði. Starfsemin hófst ásama tíma og ferjan Norræna hóf siglingar til Seyðisfjarðar, árið 1975.  Í gamla síldarvinnslubragganum hóf Farfuglaheimilið Hafaldan göngu sína að Ránargötu 9. Húsið er undir hinu merka fjalli Bjólfi og í mikilli nálægð við sjóinn. Bláa borðstofan býður uppá mikilfenglegt útsýni út fjörðinn sem seint gleymist og það getur verið erfitt að slíta sig frá málsverðinum þar. Krossviðurinn er allt um vefjandi í húsinu og falleg antík húsgögn gefa húsinu mikinn sjarma. Hostelið býður uppá tveggja og fjögurra manna herbergi, öll með sameiginlegu baðherbergi og sturtuaðstöðu. Lín og handklæði er innifalið í verði en ekki er boðið uppá morgunverð þar sem sameiginleg og vel útbúin eldhúsaðstaða er í húsinu.  Á hostelinu er frábær aðstaða fyrir gesti: góð sameiginleg rými, mjög vel búið eldhús, borðstofa, þvottavél og þráðlaus nettenging. Hafaldan er hluti af alþjóðlegri keðju Farfugla (Hostelling International) og fylgir metnaðarfullum gæða og umhverfisstöðlum þeirra.   Á heimasíðunni gengur síldarbragginn góði undir heitinu Hafaldan Harbour. Vinsamlegast bókið beint gegnum heimasíðuna okkar www.hafaldan.is þar eru bestu verðin og afsláttarkóði fyrir enn meiri afslátt. Eins eru sérstök tilboð fyrir lengri dvalir í boði. Við erum líka við símanni: 611-4410 &tölvupóstfang: seydisfjordur@hostel.is. Við tökum vel á móti þér !