Upplýsingar um verð
Fræðsla frá Birnu, hádegisverður, kaffi og te á námskeiðstíma.
Birna Ásbjörnsdóttir, doktor í heilbrigðisvísindum og stofnandi Jörth, fjallar um þarmaflóruna og með hvaða hætti við getum haft jákvæð áhrif á hana. Í þessari vinnustofu er fjallað um örveruflóru þarmanna og tengsl hennar við heilsu. Rannsóknir hafa sýnt að ójafnvægi á samsetningu þarmaflóru getur haft áhrif á taugaþroska, hegðun og jafnvel leitt til ýmissa heilsukvilla sem og stuðlað að bólgum sem geta leitt til langvinnra sjúkdóma.
Námsefnið byggir á nýjustu rannsóknum í næringarlæknisfræði ásamt heilbrigðisvísindum. Skoðað er hvaða þættir geta riðlað samsetningu þarmaflórunnar og hvernig hægt er að hlúa að og byggja þessa mikilvægu örveruflóru upp. Fjallað er um mikilvægi fæðu og næringar ásamt notkun mjólkursýrugerla (e. probiotics) í tenglsum við heilsu.
Þátttakendur öðlast þekkingu á hlutverki þarmaflórunnar og mikilvægi hennar í tengslum við heilsu og geðheilsu. Þátttakendum er auk þess bent á fjölbreyttar leiðir til að hafa jákvæð áhrif á þarmaflóruna.