Myndlistarsýning: Eria Sieling í Glettu

Dvölin mín á Borgarfirði eystra síðustu sjö árin hefur mótað bæði líf mitt
og listsköpun. Í þorpi þar sem búa um hundrað manns tengist daglegt líf
náttúrunni, árstíðum og samfélaginu á sérstakan hátt. Þessi sterka
tilfinning fyrir að tilheyra er kjarninn í verkum mínum.

„Ég á heima hér“ er sýning á frumteikningum sem sækja innblástur í
landslagið, dýralífið, fólkið og dagleg augnablik sem móta þennan stað. Í
stað þess að beina sjónum að stórbrotnum eða dramatískum
landslagsmyndum fjalla verkin um hljóðlát smáatriði sem gefa Borgarfirði
eystra sinn sérstaka svip: breytilegt ljós, kunnuglegar fjallamyndir og
hús, hefðir staðarins og litlar stundir í daglegu lífi þorpsins.

Með teikningunum vil ég bjóða áhorfendum að horfa á þorpið með
hlýjum og athugulum augum og taka eftir fegurð sem leynist oft í
hversdagslegum augnablikum. Sýningin er bæði þakklætisvottur til
samfélagsins sem hefur tekið mér opnum örmum og mikilvægt skref í átt
að Studio Brim, framtíðar vinnustofu minni sem á rætur sínar hér í
Borgarfirði eystra.