Ferðaupplýsingar

Í flugi

Flogið er daglega frá Reykjavikurflugvelli með Icelandair.

Sjóleiðis

Vikulegar siglingar með Norrænu frá Danmörku til Seyðisfjarðar, með viðkomu í Færeyjum. Athugið að áætlunin er breytileg eftir árstíma. 

Ferja fer tvisvar í viku á milli Neskaupstaðar og Mjóafjarðar að vetrarlagi (2. október - 31. maí) . Mánudaga og fimmtudaga frá Mjóafirði kl. 10:00 og frá Neskaupsstað kl. 12:30.

Í bíl 

Keyrðu á þínum hraða í eigin bíl, eða leigðu þér bíl. Þú kemst austur frá höfuðborgarsvæðinu á einum degi með góðum stoppum. Njóttu ferðarinnar, hvort sem þú ferð norðurfyrir eða um Suðurland, leiðirnar eru nánast jafnlangar og svo er tilvalið að loka hringnum á leiðinni heim!

Með rútu/strætó

Hvernig væri að taka  Strætó austur, njóta þess að láta aðra keyra, njóta útsýnisins og bóka spennandi afþreyingu á Austurlandi á netinu? 

Daglegar ferðir innan Austurlands eru með SV-Aust allt árið til: Borgarfjarðar, Seyðisfjarðar, Egilsstaða, Reyðarfjarðar, Eskifjarðar, Neskaupstaðar, Fáskrúðsfjarðar, Stöðvarfjarðar, Breiðdalsvíkur, Djúpavogs og Hafnar.