Leita
Finnur þú það ekki? Prófaðu leitina :)

101 Austurland

Bókin 101 Austurland – Gönguleiðir fyrir alla er væntanleg á markað í júní næstkomandi.

Bókin er eftir Skúla Júlíusson og er í stíl við bókina 101 Austurland – Tindar og toppar sem kom út fyrir fjórum árum.

Hér birtast glöggar lýsingar á gönguleiðum á svæðinu frá Vopnafirði suður til Hornafjarðar, hentugum fyrir fjölskyldufólk og ferðamenn sem vilja njóta útivistar í Austfirskri náttúru.

Bókin mun kosta um 5.500 kr. út úr búð, en Bókstafur býður hana í forsölu á tækifærisverði eða 3.500 kr., og mun það gilda fyrir þá sem panta bókina eigi síðar en 15. maí næstkomandi.


Austurland

Bæir og þorp

Allir bæir á Austurlandi hafa sín sérkenni og í sumum sjávarþorpunum má sjá greinileg erlend áhrif. Til að mynda á Fáskrúðsfirði þar sem frönsk áhrif eru sterk. Þar má t.d. lesa götuheitin á íslensku og frönsku! Þá má sjá norsk áhrif í byggingum á Eskifirði og á Seyðisfirði en þarlendir sjómenn höfðu búsetu á þessum stöðum á síðustu og þarsíðustu öld. Á Egilsstöðum eru engin slík áhrif að finna en bærinn er sá yngsti á Austurlandi, varð til á fimmta tug aldarinnar sem leið, og hefur orðið að þjónustumiðstöð Austurlands.  

Map Vopnafjörður Borgarfjörður Eystri Egilsstaðir Seyðisfjörður Mjóifjörður Neskaupstaður Breiðdalsvík Eskifjörður Reyðarfjörður Fáskrúðsfjörður Stöðvarfjörður Djúpivogur