Skíðasvæði

Á Austurlandi eru tvö fjölbreytt og heillandi skíðasvæði í Stafdal og Oddsskarði.
Skíðasvæðin bjóða upp á góðar brekkur fyrir byrjendur jafnt sem lengra komna og eru þekkt fyrir afslappað andrúmsloft , fallegt útsýni og stuttar biðraðir.

Hægt er að kaupa sameiginlegan skíðapassa sem gildir á bæði skíðasvæðin, sem gefur frelsi til að njóta fjölbreyttrar skíðaiðkunar á Austurlandi.

Skíðamiðstöð Austurlands, Oddsskarði

Oddsskarð, á milli Eskifjarðar og Norðfjarðar, er lifandi og skemmtilegt skíðasvæði þar sem auðvelt er að gera sér góðan dag. Á svæðinu eru tvær toglyftur og barnalyfta, auk góðrar aðstöðu fyrir brettafólk. Í skíðaskálanum er veitingaaðstaða þar sem hægt er að hlýja sér og fá sér hressingu og áður en haldið er aftur út í brekkurnar.

View

Skíðasvæðið í Stafdal

Stafdalur er við þjóðveg nr. 93 á milli efri og neðri Stafs í Fjarðarheiðinni sem er á milli Seyðisfjarðar og Egilsstaða. Skíðasvæðið er í u.þ.b. 21 km. fjarðlægð frá Egilsstöðum og 8 km. frá miðbæ Seyðisfjarðar. Á svæðinu eru 3 skíðalyftur og aðstaða fyrir alls konar skíðafólk. Byrjendalyftan er kaðallyfta sem er um 100 metra löng og er aðeins opin um helgar og hátíðardögum. Neðri lyfta er diskalyfta um 900 metra löng og hefur 190 metra hæðarmismun. Efri lyfta er diskalyfta um 700 metra löng og hefur 160 metra hæðarmismun. Skíða- og snjóbrettaleiga er á svæðinu og skáli sem er opinn gestum. Í Stafdal er mjög skemmtilega gönguskíðabraut sem er um 5 km og er hún ávallt troðin þegar tími vinnst til.

View