Sunnudaginn 9. ágúst kl. 15:00 opnar ný sýning í Gallerí Klaustri.
Á sýningunni Úr garði hugans sýnir Anna Birna Einarsdóttir textílverk sem sækja innblástur sinn í náttúruna, form hennar og fegurð sem endurspegla grósku hugans.
Við bjóðum öll hjartanlega velkomin á opnunina á sýningu sem vonandi verður sú fyrsta í sýningaröðinni Útsaumur Austurlands.
Sýningin er opin 10:00–17:00 alla daga til 5. september.
Fyrir opnunina verður hin árlega guðþjónusta tveggja siða í rústum gömlu klausturkirkjunnar. Guðsþjónustan hefst kl. 14:00 og eru gestir velkomnir að sækja hana áður en opnun sýningarinnar hefst.
