Leðursaumur með Signý Ormarsdóttur

Á vinnustofunni verður farið yfir aðferðir við leðursaum, tæki og tól, unnið er með fataleður og saumað á venjulegar heimilissaumavélar. Farið verður yfir leður og lóðfeldi og hvernig mismunandi aðferðum er beitt við saumaskap, fullnýtingu á efninu og útfærslu. Allir þátttakendur sauma eina leðurtösku þar sem farið er í sniðagerð, límingar, ísetningu rennilása, smella eða annarra fylgihluta. Þátttakendur eru hvattir til að koma með eigin áhöld og tæki til leðursaumar, gamlar töskur (endurnýta hluti af þeim eða klæða upp á nýtt) , leðurfatnað eða feldi sem þarfnast viðgerðar eða til endurgerðar og nýta í leiðinni fagþekkingu Signýjar til að auka þekkingu og færni í leðursaum. Ef tími gefst til geta þátttakendur saumað annan hlut eða nýtt tíma til viðgerða ef komið er með slíkt efni. Hvetjum þátttakendur að koma með sýnar eigin saumavélar til að læra betur á þær í leðursaum, vélar með yfirflytjara eru flestar góðar í leðursaum.