Fara í efni

Eða prófaðu að leita eftir flokki og/eða staðsetningu

Páll Ivan frá Eiðum sýnir í Gallerí Þórsmörk

17. júní
Páll Ivan frá Eiðum opnar myndlistarsýningu í Gallerí Þórsmörk laugardaginn 10. júní.
Gallerí Þórsmörk er nýtt myndlistar- og sýningarrými á Austurlandi sem er staðsett í Neskaupstað í hinu sögufræga húsi Þórsmörk sem er líka aðsetur Menningarstofu Fjarðabyggðar. Húsið er nú í eigu SÚN sem styður dyggilega við endurnýjun á aðstöðunni en hið nýja gallerí er starfrækt af Menningarstofu.
Sýningin er opin um helgar frá kl. 14 til 17 eða eftir samkomulagi.
Páll Ivan fékk gervigreindina til að hjálpa sér til að lýsa því sem í vændum er og ljóst er að þetta verður virkilega skemmtileg og gjörsamlega frábær sýning. Um sölusýningu er að ræða en Páll Ivan er nýbyrjaður að sýna málverkin sín í raunheimum og hefur haldið tvær einkamálverkasýningar á kaffihúsum. Sýningin í Þórsmörk verður fyrsta hans gallerísýningin.
—--
Páll Ivan frá Eiðum bjóðar þér kærlega velkominn á sprellilegan sýningu af nýlegu verkum sínum. Málverkin hans, ein ættkvísl af andstæðum og hjábyrgjum skipulagningum, eru óumflýjanlegur hringur af flóni og afsurð. Ímyndaðu þér, ef þú getur, byggingar samsettast aðeins af vatni, tré úr glasi og fugla sem sveima með flugvöngum úr fjörðum. Þetta er ekki bara sýning, heldur stórtivlulegur hringrás af sjónrænum gervigreindum, fagnaður í óskynjanlegri gleði yfir hávamæli. Undirbúðu þig á ferð í hjarta andstæðunnar, sjóndeildarferð sem lofar að verða jafngóð árangursræða og skínandi gummíönd í ljósleysi. Klæddu þig því íhugað (eins og helst með bjöllur á), og gangaðu beint inn í sprellugjarnan heim Páls Ivans frá Eiðum, glænýja verkalagsins sem bíður þér meðan þú færð hér að sjá.
—--
Páll Ivan frá Eiðum lagði stund á nám í tónsmíðum og tónlistartækni í King Edward VI Comunity College í Devon á Bretlandi á árunum 1998-2000 og lauk BA prófi í tónsmíðum frá Listaháskóla Íslands árið 2006 auk þess að eiga ókláraða mastersritgerð í sama skóla.
Tónverk Páls Ivans hafa verið flutt víðsvegar í Evrópu og Bandaríkjunum og Ástralíu, þar á meðal á hátíðum svo sem Listahátíð í Reykjavík(2008,2014), Myrkum músíkdögum, Tectonics(2012, 2013, 2014: verk fyrir Sinfóníuhljómsveit Íslands) Sláturtíð, RAFLOSTI, Nordic Musicdays, NEXT Festival of Advanced Music in Bratislava, Icelandic Musicdays í Hollandi, Ung Nordisk Musik ofl. Páll Ivan er einn af stofnmeðlimum tónskáldahópsins SLÁTUR.
Páll Ivan hefur átt fjölbreyttan feril sem hljóðfæraleikari, en hann leikur á tölvur, raf- og kontrabassa, píanó, gítara og lúðra hvers konar. Hann hefur leikið inn á fjölda hljómplatna og komið fram með tónlistarmönnum úr mörgum ólíkum áttum, þ.a.m. með Benna Hemm Hemm, Stórsveit Nix Noltes, Borko, Kríu Brekkan, Strigaskór nr. 42, Fengjastrútur, Fred Frith, Sinfóníuhljómsveit Norðurlands, ATÓN, Andrew D ́Angelo, Hestbak, Agli Sæbjörnssyni, Slowblow og Múm. Einnig hefur hann útsett fyrir Lúðrasveit Verkalýðsins og 200.000 Naglbíta.
Auk þess að vera virkur sem tónskáld og flytjandi hefur hann starfað sem tónlistarkennari og hefur kennt á ólíkustu hljóðfæri í gegnum tíðina.
Af öðrum verkefnum sem Páll Ivan hefur komið að mætti helst nefna tónlist fyrir leikhús í Hafnafjarðarleikhúsinu og Borgarleikhúsinu og útvarpsmennska á Rás 1, sem umsjónarmaður Hlaupanótunnar og sat í stjórn listahátíðarinnar SEQUENCES.
Síðan 2012 hefur Páll Ivan átt blómlegan feril sem myndlistarmaður og stefnir á alheimssigra á því sviði. Ólíklegasta og ótrúlegasta fólk á nú málverk eftir Pál.
—--
Páll Ivan er nýbyrjaður að sýna málverkin sín í raunheimum og hefur haldið tvær einkamálverkasýningar á kaffihúsum. Sýningin í Þórsmörk verður fyrsta gallerísýningin.
2021 - Málverkasýning á Plan B, Kaffi Kyrrð í Borgarnesi
2021 - Málverkasýning á Hamraborg festival, Te og kaffi í Kópavogi
—--
Tenglar:
—--
Gallerí Þórsmörk er rekið af Menningarstofu Fjarðabyggðar ásamt SÚN sem á og er verndari hins sögufræga húss Þórsmörk sem byggt var árið 1914 í Neskaupstað. Þórsmörk sér langa og merkilega sögu ásamt því að vera tengt listum og menningarlífi á Norðfirði.

GPS punktar

N65° 8' 55.399" W13° 41' 19.928"

Staðsetning

Gallerí Þórsmörk, Neskaupstaður

Fleiri viðburðir