Info Banner - Fljótsdalur

Fljótsdalur er veðursæll dalur á Fljótsdalshéraði á Austurlandi, kenndur við Lagarfljót, sem um hann rennur. Dalurinn er djúpur og breiður, veðursæll og snjóléttur. Landbúnaður er stundaður á svæðinu, skógrækt og ferðaþjónusta.

Það er gróðursælt og fallegt í Fljótsdalnum og þar er margar náttúruperlur að finna, tignarlega fossa, gróna skóga og fleira. Vatnajökulsþjóðgarður er einn stærsti þjóðgarður í Evrópu og þar er margt að sjá. Hann er sérstakur á heimsvísu vegna fjölbreyttra landslagsforma sem hafa orði til vegna samspils eldvirkni og jökla. Ranaskógur, Hengifoss og Strútsfoss eru dæmi um aðra staði sem vert er að skoða.

Einnig er fróðlegt og skemmtilegt að fara í menningar- og fræðasetrið Skriðuklaustur, gestastofuna Snæfellsstofu og Óbyggðasetrið.

Fljótsdalur og ofanvert Fljótsdalshérað umhverfis Lagarfljót er þekkt fyrir veðursæld og skóga. Þar er Hengifoss, einn hæsti foss landsins, og önnur náttúrudjásn eins og Hallormsstaðaskógur ásamt þekktum sögustöðum. Fyrir útivistarfólk eru Fljótsdalur og nágrenni paradís með ótal göngu- og hjólaleiðir við allra hæfi hvort sem er inni í skógi að upp á sjálft Snæfell sem drottnar yfir dalnum. Vatnajökulsþjóðgarður er einn stærsti þjóðgarður í Evrópu og þar er margt að sjá. Hann er sérstakur á heimsvísu vegna fjölbreyttra landslagsforma sem hafa orðið til vegna samspils eldvirkni og jökla.