Upplýsingar um verð
Alþjóðleg neðanjarðarlist í stýrishúsinu á Seyðisfirði
KIOSK 108 - Captain’s Bridge / Stýrishús - NO PANIC ehf. er sjálfstæður vettvangur lista á Seyðisfirði. KIOSK 108 er staðsett í umbreyttu stýrishúsi trillu frá árinu 1969 og er miklu meira en bara viðburðastaður - þar finna gestir einstakan suðupott sjónlista, tónlistar og gjörninga.
Nú blæs KIOSK 108 til þriggja daga hátíðar í samstarfi við Listahátíð í Reykjavík þar sem skipstjórinn Monika Fryčová býður upp á óvænta og töfrandi viðburði. Á dagskránni verða ómissandi atriði þar sem saman fléttast framsækin listsköpun, psychedelia, rokk og ról, þjóðlagatónlist, djass, pönk og metal svo úr verður margbreytilegt og ástríðufullt neðanjarðarpartý.
Frekari upplýsingar má fá á kiosk108.net og á Instagramsíðunni kiosk108iceland.
